bandhe kamar sahar-gah aaya hai mere kin par
bāñdhe kamar sahar-gah aaya hai mere kiiñ par
jo hādisa falak se nāzil huā zamīñ par
iqrār meñ kahāñ hai inkār kī sī ḳhūbī
hotā hai shauq ġhālib us kī nahīñ nahīñ par
kunj-e-qafas meñ jūñ-tūñ kāTeñge ham asīrāñ
sair-e-chaman ke shāyāñ apne rahe nahīñ par
juuñ āb-gīrī-karda shamshīr kī jarāhat
hai har ḳharāsh-e-nāḳhun ruḳhsāra-o-jabīñ par
āḳhir ko hai ḳhudā bhī to ai miyāñ jahāñ meñ
bande ke kaam kuchh kyā mauqūf haiñ tumhīñ par
ġhusse meñ aalam us kā kyā kyā nazar paḌā hai
talvāreñ khiñchtiyāñ thiiñ us kī jabīñ kī chiiñ par
the chashm-e-ḳhūñ-fishāñ par shāyad ki dast-o-dāman
haiñ 'mīr' daaġh ḳhuuñ ke pairāhan āstīñ par
bandhe kamar sahar-gah aaya hai mere kin par
jo hadisa falak se nazil hua zamin par
iqrar mein kahan hai inkar ki si KHubi
hota hai shauq ghaalib us ki nahin nahin par
kunj-e-qafas mein jun-tun kaTenge hum asiran
sair-e-chaman ke shayan apne rahe nahin par
jun aab-giri-karda shamshir ki jarahat
hai har KHarash-e-naKHun ruKHsara-o-jabin par
aaKHir ko hai KHuda bhi to ai miyan jahan mein
bande ke kaam kuchh kya mauquf hain tumhin par
ghusse mein aalam us ka kya kya nazar paDa hai
talwaren khinchtiyan thin us ki jabin ki chin par
the chashm-e-KHun-fishan par shayad ki dast-o-daman
hain 'mir' dagh KHun ke pairahan aastin par
Source:
MIRIYAAT - Diwan No- 6, Ghazal No- 1828
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.