aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sar-e-rah chand intizari rahe

Meer Taqi Meer

sar-e-rah chand intizari rahe

Meer Taqi Meer

MORE BYMeer Taqi Meer

    sar-e-rāh chand intizārī rahe

    bhalā kab talak be-qarārī rahe

    rahā kiye aañsū palkoñ pe shab

    kahāñ tak sitāra-shumārī rahe

    kahā bosa de kar safar jab chalā

    ki merī bhī ye yādgārī rahe

    kahīñ ḳhushk ho chashma-e-chashm bhī

    lahū muñh pe tā-chand jaarī rahe

    bas ab rah chukī jān-e-ġhamnāk bhī

    jo aisī tan nizārī rahe

    tasallī na ho dil agar yaar se

    hameñ sālhā ham-kinārī rahe

    tire haiñ duā-go sunā ḳhuub

    faqīroñ gar gosh-dārī rahe

    shab-e-vasl thī shab-e-teġh thī

    ki laḌte ve raat saarī rahe

    kareñ ḳhvāb hamsā.e kyūñkar ki yaañ

    balā shor-o-fariyād-o-zārī rahe

    phirā karte haiñ ḳhvār galiyoñ meñ ham

    kahāñ tak ye be-e'tibārī rahe

    kaj-abrū in atfāl meñ hai ajab

    jo 'mīr' aabrū bhī tumhārī rahe

    sar-e-rah chand intizari rahe

    bhala kab talak be-qarari rahe

    raha hi kiye aansu palkon pe shab

    kahan tak sitara-shumari rahe

    kaha bosa de kar safar jab chala

    ki meri bhi ye yaadgari rahe

    kahin KHushk ho chashma-e-chashm bhi

    lahu munh pe ta-chand jari rahe

    bas ab rah chuki jaan-e-ghamnak bhi

    jo aisi hi tan ki nizari rahe

    tasalli na ho dil agar yar se

    hamein salha ham-kinari rahe

    tere hain dua-go suna KHub hi

    faqiron ki gar gosh-dari rahe

    shab-e-wasl thi ya shab-e-tegh thi

    ki laDte hi we raat sari rahe

    karen KHwab hamsae kyunkar ki yan

    bala shor-o-fariyaad-o-zari rahe

    phira karte hain KHwar galiyon mein hum

    kahan tak ye be-e'tibari rahe

    kaj-abru in atfal mein hai ajab

    jo 'mir' aabru bhi tumhaari rahe

    Source:

    MIRIYAAT - Diwan No- 6, Ghazal No- 1892

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now