مجھ کو دماغ وصف گل و یاسمن نہیں

مجھ کو دماغ وصف گل و یاسمن نہیں

میں جوں نسیم باد فروش چمن نہیں

کہنے لگا کہ لب سے ترے لعل خوب ہے

اس رنگ ڈھنگ سے تو ہمارا سخن نہیں

پہنچا نہ ہوگا منزل مقصود کے تئیں

خاک رہ اس کی جس کا عبیر کفن نہیں

ہم کو خرام ناز سے مت خاک میں ملا

دل سے ہے جن کو راہ یہ ان کا چلن نہیں

گل کام آوے ہے ترے منہ کے نثار کے

صحبت رکھے جو تجھ سے یہ اس کا دہن نہیں

کل جا کے ہم نے میرؔ کے ہاں یہ سنا جواب

مدت ہوئی کہ یاں تو وہ غربت وطن نہیں