munaqid kash majlis-e-mul ho

mun.aqid kaash majlis-e-mul ho

darmiyāñ tū ho sāmne gul ho

garmiyāñ muttasil raheñ bāham

nai tasāhul ho nai taġhāful ho

ab dhuāñ yuuñ jigar se uThtā hai

jaise pur-pech koī kākul ho

na to tāle.a na jazb phir dil ko

kis bharose pe Tuk tahammul ho

lag na chal ai nasīm-e-bāġh ki maiñ

rah gayā huuñ charāġh sā gul ho

adh-jalā laala saañ rahā to kyā

daaġh bhī ho to koī bilkul ho

tuul rakhtā hai dard-e-dil merā

likhne baiThūñ to ḳhat tarassul ho

hojo mujh bāda-kash ke urs meñ tū

jabki qulqul se shīshe kī qul ho

der rahne kī jā nahīñ ye chaman

bū-e-gul ho safīr-e-bulbul ho

mujh divāne kī mat hilā zanjīr

kahīñ aisā na ho ki phir ġhul ho

munkashif ho rahā hai hāl-e-'mīr'

kaash Tuk yaar ko ta.ammul ho

munaqid kash majlis-e-mul ho

darmiyan tu ho samne gul ho

garmiyan muttasil rahen baham

nai tasahul ho nai taghaful ho

ab dhuan yun jigar se uThta hai

jaise pur-pech koi kakul ho

na to talea na jazb phir dil ko

kis bharose pe Tuk tahammul ho

lag na chal ai nasim-e-bagh ki main

rah gaya hun charagh sa gul ho

adh-jala lala san raha to kya

dagh bhi ho to koi bilkul ho

tul rakhta hai dard-e-dil mera

likhne baiThun to KHat tarassul ho

hojo mujh baada-kash ke urs mein tu

jabki qulqul se shishe ki qul ho

der rahne ki ja nahin ye chaman

bu-e-gul ho safir-e-bulbul ho

mujh diwane ki mat hila zanjir

kahin aisa na ho ki phir ghul ho

munkashif ho raha hai haal-e-'mir'

kash Tuk yar ko tammul ho