aag the ibtidā-e-ishq meñ ham

ab jo haiñ ḳhaak intihā hai ye

aag the ibtida-e-ishq mein hum

ab jo hain KHak intiha hai ye

ab to jaate haiñ but-kade se 'mīr'

phir mileñge agar ḳhudā laayā

ab to jate hain but-kade se 'mir'

phir milenge agar KHuda laya

chashm ho to ā.īna-ḳhāna hai dahr

muñh nazar aatā hai dīvāroñ ke biich

chashm ho to aaina-KHana hai dahr

munh nazar aata hai diwaron ke bich

dikhā.ī diye yuuñ ki be-ḳhud kiyā

hameñ aap se bhī judā kar chale

dikhai diye yun ki be-KHud kiya

hamein aap se bhi juda kar chale

hamāre aage tirā jab kisū ne naam liyā

dil-e-sitam-zada ko ham ne thaam thaam liyā

hamare aage tera jab kisu ne nam liya

dil-e-sitam-zada ko hum ne tham tham liya

hogā kisī dīvār ke saa.e meñ paḌā 'mīr'

kyā kaam mohabbat se us ārām-talab ko

hoga kisi diwar ke sae mein paDa 'mir'

kya kaam mohabbat se us aaram-talab ko

ishq ik 'mīr' bhārī patthar hai

kab ye tujh nā-tavāñ se uThtā hai

ishq ek 'mir' bhaari patthar hai

kab ye tujh na-tawan se uThta hai

jam gayā ḳhuuñ kaf-e-qātil pe tirā 'mīr' zi-bas

un ne ro ro diyā kal haath ko dhote dhote

jam gaya KHun kaf-e-qatil pe tera 'mir' zi-bas

un ne ro ro diya kal hath ko dhote dhote

kin nīndoñ ab tū sotī hai ai chashm-e-girya-nāk

mizhgāñ to khol shahr ko sailāb le gayā

kin nindon ab tu soti hai ai chashm-e-girya-nak

mizhgan to khol shahr ko sailab le gaya

le saañs bhī āhista ki nāzuk hai bahut kaam

āfāq kī is kārgah-e-shīshagarī kā

le sans bhi aahista ki nazuk hai bahut kaam

aafaq ki is kargah-e-shishagari ka

mat sahl hameñ jaano phirtā hai falak barsoñ

tab ḳhaak ke parde se insān nikalte haiñ

mat sahl hamein jaano phirta hai falak barson

tab KHak ke parde se insan nikalte hain

'mīr' ham mil ke bahut ḳhush hue tum se pyāre

is ḳharābe meñ mirī jaan tum ābād raho

'mir' hum mil ke bahut KHush hue tum se pyare

is KHarabe mein meri jaan tum aabaad raho

'mīr' ke dīn-o-maz.hab ko ab pūchhte kyā ho un ne to

qashqa khīñchā dair meñ baiThā kab kā tark islām kiyā

'mir' ke din-o-mazhab ko ab puchhte kya ho un ne to

qashqa khincha dair mein baiTha kab ka tark islam kiya

mire salīqe se merī nibhī mohabbat meñ

tamām umr maiñ nākāmiyoñ se kaam liyā

mere saliqe se meri nibhi mohabbat mein

tamam umr main nakaamiyon se kaam liya

nāzukī us ke lab kī kyā kahiye

pañkhuḌī ik gulāb kī sī hai

nazuki us ke lab ki kya kahiye

pankhuDi ek gulab ki si hai

pattā pattā buuTā buuTā haal hamārā jaane hai

jaane na jaane gul hī na jaane baaġh to saarā jaane hai

patta patta buTa buTa haal hamara jaane hai

jaane na jaane gul hi na jaane bagh to sara jaane hai

rāh-e-dūr-e-ishq meñ rotā hai kyā

aage aage dekhiye hotā hai kyā

rah-e-dur-e-ishq mein rota hai kya

aage aage dekhiye hota hai kya

sirhāne 'mīr' ke āhista bolo

abhī Tuk rote rote so gayā hai

sirhane 'mir' ke aahista bolo

abhi Tuk rote rote so gaya hai

us ke faroġh-e-husn se jhamke hai sab meñ nuur

sham-e-haram ho yā ho diyā somnāt kā

us ke farogh-e-husn se jhamke hai sab mein nur

sham-e-haram ho ya ho diya somnat ka

yaad us kī itnī ḳhuub nahīñ 'mīr' baaz aa

nādān phir vo jī se bhulāyā na jā.egā

yaad us ki itni KHub nahin 'mir' baz aa

nadan phir wo ji se bhulaya na jaega