aise apne KHuda ko manate rahe
aise apne ḳhudā ko manāte rahe
laġhzishoñ par ham aañsū bahāte rahe
rāh-e-haq meñ kahīñ Dagmagā.eñ na ham
har qadam sidq-e-dil se jamāte rahe
lab pe zikr-e-nabī dil meñ yād-e-ḳhudā
lutf par lutf har dam uThāte rahe
sabz gumbad thā rauza thā 'ushshāq the
nūr-e-īmāñ se ham jagmagāte rahe
aa.ina dil kā dhuñdlā na jaa.e 'nazī'
dil meñ taiba kā manzar sajāte rahe
aise apne KHuda ko manate rahe
laghzishon par hum aansu bahate rahe
rah-e-haq mein kahin Dagmagaen na hum
har qadam sidq-e-dil se jamate rahe
lab pe zikr-e-nabi dil mein yaad-e-KHuda
lutf par lutf har dam uThate rahe
sabz gumbad tha rauza tha 'ushshaq the
nur-e-iman se hum jagmagate rahe
aaina dil ka dhundla na jae 'nazi'
dil mein taiba ka manzar sajate rahe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
