nur-e-ahmad se hui donon jahan mein raushni

nūr-e-ahmad se huī donoñ jahāñ meñ raushnī

raqs kartī hai zamīn-o-āsmāñ meñ raushnī

kahkashān-e-dīn-o-īmāñ zulmatoñ par chhā ga.ī

muskurā.ī tīrgī-e-be-karāñ meñ raushnī

khul gayā qur.ān se zor-e-fasāhat kā tilism

aa ga.ī dīn-e-mohammad se zabāñ meñ raushnī

sang-rezoñ kī zamīñ par lahlahā.e barg-o-bār

jab bahār aa.ī to phailī gulsitāñ meñ raushnī

har taraf jalvoñ kā manzar aap kī aamad ke saath

is zamīñ par aur māh-o-kahkashāñ meñ raushnī

nur-e-ahmad se hui donon jahan mein raushni

raqs karti hai zamin-o-asman mein raushni

kahkashan-e-din-o-iman zulmaton par chha gai

muskurai tirgi-e-be-karan mein raushni

khul gaya quran se zor-e-fasahat ka tilism

aa gai din-e-mohammad se zaban mein raushni

sang-rezon ki zamin par lahlahae barg-o-bar

jab bahaar aai to phaili gulsitan mein raushni

har taraf jalwon ka manzar aap ki aamad ke sath

is zamin par aur mah-o-kahkashan mein raushni