aa.nsu.o.n me.n baTii zindagii
hamaarii aa.nkhe.n
sirf thuuke hu.e manzar
yaa
bus ke piichhe
laTakte hu.e aadmii ko dekh saktii hai.n
magar mai.n ne apnii aa.nkhe.n
ham dono.n ke darmiyaan haa.il faasla
maapte hu.e zaa.e' kii.n
hamaare kaan
giit aur du'aa se pahle
aa.nsu.o.n kaa taraana sun.ne ke 'aadii hai.n
miTTii kaa bojh uThaane kii vajh se
ungliyaa.n lak.Dii kii shakl me.n tabdiil ho chukii hai.n
ye to sirf ek maa.n hii bataa saktii hai
ki miTTii me.n aa.nsuu jaldii jazb hote hai.n
yaa phir pasiina
mai.n har raat
kashtii banaane ke mansuube tartiib detaa huu.n
taaki chappu.o.n se
samundar kii gahraa.ii maa'luum karte vaqt
machhlii se puuchhaa jaa sake
ki samundar kaa paanii ziyaada miiThaa hotaa hai
yaa phir aadmii ke aa.nsu.o.n kaa
shaayad mai.n ab
ek chappuu bhii nahii.n banaa saktaa
kyuu.nki ju.e kii baazii me.n
raat kii bachaa.ii hu.ii
aadhii roTii bhii haar chukaa huu.n
mere paas ab sirf ek KHvaab bachaa hai
jis ke zariye
samundar to kyaa
ek 'aurat ke dil me.n bhii nahii.n utraa jaa saktaa
hamaarii aa.nkhe.n
sirf thuuke hu.e manzar
yaa
bus ke piichhe
laTakte hu.e aadmii ko dekh saktii hai.n
magar mai.n ne apnii aa.nkhe.n
ham dono.n ke darmiyaan haa.il faasla
maapte hu.e zaa.e' kii.n
hamaare kaan
giit aur du'aa se pahle
aa.nsu.o.n kaa taraana sun.ne ke 'aadii hai.n
miTTii kaa bojh uThaane kii vajh se
ungliyaa.n lak.Dii kii shakl me.n tabdiil ho chukii hai.n
ye to sirf ek maa.n hii bataa saktii hai
ki miTTii me.n aa.nsuu jaldii jazb hote hai.n
yaa phir pasiina
mai.n har raat
kashtii banaane ke mansuube tartiib detaa huu.n
taaki chappu.o.n se
samundar kii gahraa.ii maa'luum karte vaqt
machhlii se puuchhaa jaa sake
ki samundar kaa paanii ziyaada miiThaa hotaa hai
yaa phir aadmii ke aa.nsu.o.n kaa
shaayad mai.n ab
ek chappuu bhii nahii.n banaa saktaa
kyuu.nki ju.e kii baazii me.n
raat kii bachaa.ii hu.ii
aadhii roTii bhii haar chukaa huu.n
mere paas ab sirf ek KHvaab bachaa hai
jis ke zariye
samundar to kyaa
ek 'aurat ke dil me.n bhii nahii.n utraa jaa saktaa
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
