be-tartiib mausamo.n kii ek nazm
meraa jism aa.nsu.o.n se bhiig gayaa
daraKHt maatamii giit gaane lage
aur banduuq ke saa.e me.n
kuchh phuul murjhaa ga.e
be-maa'nii aavaazo.n ke hujuum ne
kitne badan kuchal diye
ab tanhaa.ii kii zamiin par
sirf maut kaa muhaasara hai
hamaare KHvaabo.n ke pyaalo.n me.n
namkiin paanii ke sivaa kuchh nahii.n bachaa
ham zindagii ke pattharo.n se Takraate rahe
aur tum ne hamaarii qismat ke phuul
apnii hathelii me.n masal diye
ham aasmaan ke qaidii
aur miTTii kii KHush-buu ko maan.ne vaale
tumhaare muhaafiz dasto.n se madad nahii.n maang rahe
ham apnii yaado.n kii titliyo.n kaa ta'aaqub karte hu.e
zindagii kaa baadbaan paaniyo.n kii zamiin par kholnaa chaahte hai.n
kyuu.nki dariyaa.o.n ke kinaaro.n par
zindagii aur maut
bahut aasaan hotii hai
meraa jism aa.nsu.o.n se bhiig gayaa
daraKHt maatamii giit gaane lage
aur banduuq ke saa.e me.n
kuchh phuul murjhaa ga.e
be-maa'nii aavaazo.n ke hujuum ne
kitne badan kuchal diye
ab tanhaa.ii kii zamiin par
sirf maut kaa muhaasara hai
hamaare KHvaabo.n ke pyaalo.n me.n
namkiin paanii ke sivaa kuchh nahii.n bachaa
ham zindagii ke pattharo.n se Takraate rahe
aur tum ne hamaarii qismat ke phuul
apnii hathelii me.n masal diye
ham aasmaan ke qaidii
aur miTTii kii KHush-buu ko maan.ne vaale
tumhaare muhaafiz dasto.n se madad nahii.n maang rahe
ham apnii yaado.n kii titliyo.n kaa ta'aaqub karte hu.e
zindagii kaa baadbaan paaniyo.n kii zamiin par kholnaa chaahte hai.n
kyuu.nki dariyaa.o.n ke kinaaro.n par
zindagii aur maut
bahut aasaan hotii hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
