KHvaabo.n ke darmiyaan pa.Dii zindagii
vo vaziir-e-aa’zam ke juuto.n se
utrii hu.ii miTTii ko
apnii muTThii me.n bhii.nch kar
KHush ho jaate hai.n
shahr kaa vaziir
apne takiye ke niiche
KHufiya-KHaane kii chaabii rakh kar sotaa hai
use saarii raat
naqsho.n ke KHvaab aate hai.n
shaam faqiir ke kaase me.n
udaasii o.Dh kar leTii rahtii hai
vo saaraa din
raushnii kii bhiik maa.ngtaa hai
pakhkhii vaaso.n ke shariir bachche
KHaalii galiyo.n me.n suukhii roTii ko
paanii aur aa.nsu.o.n me.n bhigo kar
apnii bhuuk ko tar karte rahte hai.n
aur mai.n terrace par baiThaa
kavvo.n ke shor me.n
apne KHaalii-pan ko
KHvaabo.n se bhar rahaa huu.n
bhalaa ko.ii bataa saktaa hai
KHvaabo.n kii tartiib lagaa kar
kyaa ham apnii marzii se
zindagii kii ko.ii shakl banaa sakte hai.n
vo vaziir-e-aa’zam ke juuto.n se
utrii hu.ii miTTii ko
apnii muTThii me.n bhii.nch kar
KHush ho jaate hai.n
shahr kaa vaziir
apne takiye ke niiche
KHufiya-KHaane kii chaabii rakh kar sotaa hai
use saarii raat
naqsho.n ke KHvaab aate hai.n
shaam faqiir ke kaase me.n
udaasii o.Dh kar leTii rahtii hai
vo saaraa din
raushnii kii bhiik maa.ngtaa hai
pakhkhii vaaso.n ke shariir bachche
KHaalii galiyo.n me.n suukhii roTii ko
paanii aur aa.nsu.o.n me.n bhigo kar
apnii bhuuk ko tar karte rahte hai.n
aur mai.n terrace par baiThaa
kavvo.n ke shor me.n
apne KHaalii-pan ko
KHvaabo.n se bhar rahaa huu.n
bhalaa ko.ii bataa saktaa hai
KHvaabo.n kii tartiib lagaa kar
kyaa ham apnii marzii se
zindagii kii ko.ii shakl banaa sakte hai.n
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
