merii pahlii mahbuuba
na mai.n shaa'ir thaa
na adiib
magar mahbuuba kii yaado.n ne
mujhe dono.n banaa diyaa
aaj mere zehn me.n
alfaaz mahv-e-raqs the
sochaa
in ko kaaGaz par nachaa.uu.n
merii pahlii mohabbat
'aalam-e-arvaah se shuruu' hu.ii
vahii.n
jahaa.n merii aur us kii
pahlii mulaaqaat hu.ii thii
hazaaro.n laakho.n
balki karo.Do.n baras
ham ek duusre se judaa rahe
ye kitnaa 'ajiib hai
ki mahbuuba ne
apne hii mahbuub ko janm diyaa
mai.n alfaaz taKHliiq kartaa huu.n
magar
merii mahbuuba ne
mujhe taKHliiq kiyaa hai
us kii aaGosh
kaa.inaat kii pahlii panaah-gaah thii
jahaa.n lafz lams ban kar
merii saa.nso.n me.n utarte rahe
merii pahlii mohabbat
merii pahlii mahbuuba
ko.ii aur nahii.n
merii maa.n hai
na mai.n shaa'ir thaa
na adiib
magar mahbuuba kii yaado.n ne
mujhe dono.n banaa diyaa
aaj mere zehn me.n
alfaaz mahv-e-raqs the
sochaa
in ko kaaGaz par nachaa.uu.n
merii pahlii mohabbat
'aalam-e-arvaah se shuruu' hu.ii
vahii.n
jahaa.n merii aur us kii
pahlii mulaaqaat hu.ii thii
hazaaro.n laakho.n
balki karo.Do.n baras
ham ek duusre se judaa rahe
ye kitnaa 'ajiib hai
ki mahbuuba ne
apne hii mahbuub ko janm diyaa
mai.n alfaaz taKHliiq kartaa huu.n
magar
merii mahbuuba ne
mujhe taKHliiq kiyaa hai
us kii aaGosh
kaa.inaat kii pahlii panaah-gaah thii
jahaa.n lafz lams ban kar
merii saa.nso.n me.n utarte rahe
merii pahlii mohabbat
merii pahlii mahbuuba
ko.ii aur nahii.n
merii maa.n hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
