nisf hijr ke dayar se

havā ke hāthoñ meñ haath de kar

judā.iyoñ ke safar pe nikle the tum

magar kyuuñ

ruke hue ho

yaqīn-e-ḳhufta gumān-e-puḳhta ke pāniyoñ par

jahāñ pe avval mohabbatoñ ke kañval khile the

abhī vahīñ ho!

judā.iyoñ ke safar pe jā kar bhī ab talak tum

ga.e nahīñ ho!

chale bhī jaao

chale bhī jaao

ki gum-shuda zaat ke ḳhazīne kī kunjiyāñ DhūñDnī haiñ maiñ ne

sukūt-e-saut-o-sadā ke parde meñ tarz-e-guftār sīkhnī hai

nikal ke maujūda vaqt ke be-darīcha be-dar haveliyoñ se

mujhe mulāqāt sochnī hai

bahut sī be-nām ġhair mahdūd sā.atoñ kī saheliyoñ se

chale bhī jaao

bas is se pahle

ki mom-lamha pighal hī jaa.e

ki jabr āġhāz ho shaboñ kā

ki soch rasta badal hī jaa.e

chale bhī jaao

hawa ke hathon mein hath de kar

judaiyon ke safar pe nikle the tum

magar kyun

ruke hue ho

yaqin-e-KHufta guman-e-puKHta ke paniyon par

jahan pe awwal mohabbaton ke kanwal khile the

abhi wahin ho!

judaiyon ke safar pe ja kar bhi ab talak tum

gae nahin ho!

chale bhi jao

chale bhi jao

ki gum-shuda zat ke KHazine ki kunjiyan DhunDni hain main ne

sukut-e-saut-o-sada ke parde mein tarz-e-guftar sikhni hai

nikal ke maujuda waqt ke be-daricha be-dar haweliyon se

mujhe mulaqat sochni hai

bahut si be-nam ghair mahdud saaton ki saheliyon se

chale bhi jao

bas is se pahle

ki mom-lamha pighal hi jae

ki jabr aaghaz ho shabon ka

ki soch rasta badal hi jae

chale bhi jao