bachchon ki tauba

Raja Mehdi Ali Khan

bachchon ki tauba

Raja Mehdi Ali Khan

MORE BYRaja Mehdi Ali Khan

    ham ne bakrī ke bachchoñ ko kamroñ meñ nachānā chhoḌ diyā

    nārāz na ho ammī ham ne har shauq purānā chhoḌ diyā

    daddy ke suiT pahan kar ham sofoñ par dance nahīñ karte

    saare ghar buniyādoñ ko ab ham ne hilānā chhoḌ diyā

    daadā abbā ab chashma bakre ko nahīñ pahnāte ham

    naanā abbā laThiyā ab ham ne chhupānā chhoḌ diyā

    bandar ko sehrā bāñdh ke ham dūlhā na banā.eñge ammī

    ab ghūñghaT kaaḌh bandariyā ko Dolī meñ biThānā chhoḌ diyā

    nadiyā ke gahre paanī meñ khaa.e na ka.ī din se ġhote

    ghar meñ paḌe ab saḌte haiñ nadiyā pe nahānā chhoḌ diyā

    ab sabr ke mīThe phal aaheñ bhar bhar kar khāte haiñ

    mālan ko banā baiThe ḳhāla maalī ko rulānā chhoḌ diyā

    ghar meñ baiThe sādhū ban kar ab ilm maalā japte haiñ

    ḳhargoshoñ ke pīchhe jañgal meñ kuttoñ ko bhagāna chhoḌ diyā

    pinjroñ meñ band jo rahtī thiiñ vo phir se uḌā deñ sab chiḌiyāñ

    murġhoñ meñ sulh karāte haiñ murġhoñ ko laḌānā chhoḌ diyā

    ab ham ne kabhī khānā khā kar kapḌoñ se haath nahīñ poñchhe

    dekho ka.ī din se dhobī ne ronā chillānā chhoḌ diyā

    har ek baġhāvat chhoḌī hai har ek sharārat ruḳhsat hai

    ab ghar meñ farishte aate haiñ shaitān ne aanā chhoḌ diyā

    ham se phir bhī nārāz ho kyoñ kyā tum sautelī ammī ho

    apne in pyāre bachchoñ ko ab muñh bhī lagānā chhoḌ diyā

    jin āñkhoñ meñ roz sharārat thī in āñkhoñ meñ aañsū ab dekho

    in aap pyārī āñkhoñ ko ab ham ne rulānā chhoḌ diyā

    hai ghar fazā sahmī sahmī ġhamgīn haiñ bachchoñ ke chehre

    kab hañs ke kahūñgī ai bachcho kyoñ ham ko satānā chhoḌ diyā

    hum ne bakri ke bachchon ko kamron mein nachana chhoD diya

    naraaz na ho ammi hum ne har shauq purana chhoD diya

    daddy ke suiT pahan kar hum sofon par dance nahin karte

    sare ghar ki buniyaadon ko ab hum ne hilana chhoD diya

    dada abba ka ab chashma bakre ko nahin pahnate hum

    nana abba ki laThiya ab hum ne chhupana chhoD diya

    bandar ko sehra bandh ke hum dulha na banaenge ammi

    ab ghunghaT kaDh bandariya ko Doli mein biThana chhoD diya

    nadiya ke gahre pani mein khae na kai din se ghote

    ghar hi mein paDe ab saDte hain nadiya pe nahana chhoD diya

    ab sabr ke miThe phal aahen bhar bhar kar khate hain

    malan ko bana baiThe KHala mali ko rulana chhoD diya

    ghar mein baiThe sadhu ban kar ab ilm ki mala japte hain

    KHargoshon ke pichhe jangal mein kutton ko bhagana chhoD diya

    pinjron mein band jo rahti thin wo phir se uDa den sab chiDiyan

    murghon mein sulh karaate hain murghon ko laDana chhoD diya

    ab hum ne kabhi khana kha kar kapDon se hath nahin ponchhe

    dekho kai din se dhobi ne rona chillana chhoD diya

    har ek baghawat chhoDi hai har ek shararat ruKHsat hai

    ab ghar mein farishte aate hain shaitan ne aana chhoD diya

    hum se phir bhi naraaz ho kyon kya tum sauteli ammi ho

    apne in pyare bachchon ko ab munh bhi lagana chhoD diya

    jin aankhon mein roz shararat thi in aankhon mein aansu ab dekho

    in aap ki pyari aankhon ko ab hum ne rulana chhoD diya

    hai ghar ki faza sahmi sahmi ghamgin hain bachchon ke chehre

    kab hans ke kahungi ai bachcho kyon hum ko satana chhoD diya

    Source

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY