adib ki mahbuba

Raja Mehdi Ali Khan

adib ki mahbuba

Raja Mehdi Ali Khan

MORE BY Raja Mehdi Ali Khan

    INTERESTING FACT

    Unusual Humorous poem containing names of number of famous poets.

    tumhārī ulfat meñ harmonium pe 'mīr' ġhazleñ rahā huuñ

    bahattar in meñ chhupe haiñ nashtar jo sab ke sab aazmā rahā huuñ

    bahut dinoñ se tumhāre jalve 'ḳhadīja-mastūr' ho ga.e haiñ

    hai shukr-e-bārī ki sāmne apne aaj phir tum ko rahā huuñ

    lihāf 'ismat' oḌh kar tum fasāne 'manTo' ke paḌh rahī ho

    pahan ke 'bedī' garm coat aaj tum se āñkheñ milā rahā huuñ

    tumhāre ghar 'nūn-mīm-rāshid' le ke aayā sifārshī ḳhat

    magar ta.ajjub hai phir bhī tum se nahīñ maiñ kuchh 'faiz' rahā huuñ

    bahut hai sīdhī baat merī na jaane tum kyuuñ nahīñ samajhtīñ

    qasam ḳhudā kalām-e-'ġhālib' nahīñ maiñ tum ko sunā rahā huuñ

    tumhārī zulf-e-siyah pe tanqīd kis se likhvāūñ tum bolo

    'shrī-ibādat-barelvī' ko maiñ taar de kar bulā rahā huuñ

    maiñ tum pe huuñ 'jāñ-nisār-aḳhtar' qasam hai 'munshī-fidā-alī'

    bahut dinoñ se maiñ tum pe 'sāhir' se jaadū Tone karā rahā huuñ

    agar ho tum 'hājara' to phir mujh se mil ke 'masrūr' kyuuñ nahīñ ho

    tumhāre aage 'opendr-nāth-ashk' ban ke aañsū bahā rahā huuñ

    hasīñ ho zehra-jamāl ho tum mujhe satā kar nihāl ho tum

    tumhāre ye zulm 'qurrat-ul-ain' ko batāne maiñ rahā huuñ

    mirī mohabbat dāstāñ sun ke ro paḌe 'josh-malsiyānī'

    sukhā ke pañkhe se un ke aañsū abhī vahāñ se maiñ aa rahā huuñ

    mirī tabāhī pe chhāp deñge nuqūsh ek ḳhaas number

    'tufail-sāhab' ke paas saare musavvade le ke rahā huuñ

    'vazīr-āġhā' paThān haiñ saath saath yāroñ ke yaar bhī haiñ

    pakaḌ ke vo tum ko piiT deñge maiñ kal unheñ saath rahā huuñ

    'hakīm-yūsuf-alī' ne jab merī nabz dekhī to ro ke bole

    'jigar' hai zaḳhmī tabāh gurde ye baat tum se chhupā rahā huuñ

    malīhābād aaj rahā huuñ maiñ 'josh' lā.ūñ ki aam lā.ūñ

    haiñ donoñ chīzeñ vahāñ achchhī maiñ lā.ūñ kyā tilmilā rahā huuñ

    jo hukm do 'vājida-tabassum' kuchh tabassum maiñ tum ko duuñ

    tumhāre hoñToñ pe ġham maujoñ ko dekh kar tilmilā rahā huuñ

    fasāna-e-ishq muḳhtasar hai qasam ḳhudā na bor honā

    'firāq-gorakhpurī' ġhazleñ nahīñ maiñ tum ko sunā rahā huuñ

    mirī mohabbat dāstāñ ko gad.he mat sarguzisht samjho

    maiñ 'kirshn-chandr' nahīñ huuñ zālim yaqīn tum ko dilā rahā huuñ

    pilāo āñkhoñ se taaki mujh ko kuchh 'āl-e-ahmad-surūr' aa.e

    bahut haiñ ġham mujh ko āshiqī ke binā piye Dagmagā rahā huuñ

    tumhaari ulfat mein harmonium pe 'mir' ki ghazlen ga raha hun

    bahattar in mein chhupe hain nashtar jo sab ke sab aazma raha hun

    bahut dinon se tumhaare jalwe 'KHadija-mastur' ho gae hain

    hai shukr-e-bari ki samne apne aaj phir tum ko pa raha hun

    lihaf 'ismat' ka oDh kar tum fasane 'manTo' ke paDh rahi ho

    pahan ke 'bedi' ka garm coat aaj tum se aankhen mila raha hun

    tumhaare ghar 'nun-mim-rashid' ka le ke aaya sifarshi KHat

    magar tajjub hai phir bhi tum se nahin main kuchh 'faiz' pa raha hun

    bahut hai sidhi si baat meri na jaane tum kyun nahin samajhtin

    qasam KHuda ki kalam-e-'ghaalib' nahin main tum ko suna raha hun

    tumhaari zulf-e-siyah pe tanqid kis se likhwaun tum hi bolo

    'shri-ibaadat-barelwi' ko main tar de kar bula raha hun

    main tum pe hun 'jaan-nisar-aKHtar' qasam hai 'munshi-fida-ali' ki

    bahut dinon se main tum pe 'sahir' se jadu Tone kara raha hun

    agar ho tum 'hajara' to phir mujh se mil ke 'masrur' kyun nahin ho

    tumhaare aage 'opendr-nath-ashk' ban ke aansu baha raha hun

    hasin ho zehra-jamal ho tum mujhe sata kar nihaal ho tum

    tumhaare ye zulm 'qurrat-ul-ain' ko batane main ja raha hun

    meri mohabbat ki dastan sun ke ro paDe 'josh-malsiyani'

    sukha ke pankhe se un ke aansu abhi wahan se main aa raha hun

    meri tabahi pe chhap denge nuqush ka ek KHas number

    'tufail-sahab' ke pas sare musawwade le ke ja raha hun

    'wazir-agha' paThan hain sath sath yaron ke yar bhi hain

    pakaD ke wo tum ko piT denge main kal unhen sath la raha hun

    'hakim-yusuf-ali' ne jab meri nabz dekhi to ro ke bole

    'jigar' hai zaKHmi tabah gurde ye baat tum se chhupa raha hun

    malihabaad aaj ja raha hun main 'josh' laun ki aam laun

    hain donon chizen wahan ki achchhi main laun kya tilmila raha hun

    jo hukm do 'wajida-tabassum' ka kuchh tabassum main tum ko la dun

    tumhaare honTon pe gham ki maujon ko dekh kar tilmila raha hun

    fasana-e-ishq muKHtasar hai qasam KHuda ki na bor hona

    'firaq-gorakhpuri' ki ghazlen nahin main tum ko suna raha hun

    meri mohabbat ki dastan ko gadhe ki mat sarguzisht samjho

    main 'kirshn-chandr' nahin hun zalim yaqin tum ko dila raha hun

    pilao aankhon se taki mujh ko kuchh 'al-e-ahmad-surur' aae

    bahut hain gham mujh ko aashiqi ke bina piye Dagmaga raha hun

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY