aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gandhi-ji ki aawaz

Nazish Partap Gadhi

gandhi-ji ki aawaz

Nazish Partap Gadhi

MORE BYNazish Partap Gadhi

    Interesting Fact

    (2nd October, 1964)

    salām ai ufuq-e-hind ke hasīñ taaro

    salām tum pe sip.har-e-vatan ke mah-pāro

    salām tum pe mire bachcho ai mire pyāro

    bhulā.e baiThe ho tum mujh ko kis liye yaaro

    jalāo mere payāmāt ke diye yaaro

    suno ki merī tamannā-o-ārzū tum ho

    suno ki mādar-e-bhārat aabrū tum ho

    suno ki amn-e-zamāna justujū tum ho

    ḳhamosh baiThe ho kyuuñ apne lab siye yaaro

    jalāo mere payāmāt ke diye yaaro

    salām tum pe ki mere chaman ke phuul ho tum

    mirī nazar mirī fitrat mirā usuul ho tum

    magar ye kyā huā kis vāste malūl ho tum

    ye tum ne chand ġhalat kaam kyuuñ kiye yaaro

    jalāo mere payāmāt ke diye yaaro

    vatan meñ ḳhuun ke dariyā bahā diye tum ne

    sabhī nuqūsh-e-ahinsā miTā diye tum ne

    rivāj-kār-e-mohabbat bhalā diye tum ne

    rusūm-e-mehr-o-vafā tark kar diye yaaro

    jalāo mere payāmāt ke diye yaaro

    sabaq paḌhāyā thā tum ko adam-tashaddud

    tumheñ batāyā thā maiñ ne gunāh hai hinsā

    ye tum ne kis liye teġh-o-tabar se kaam liyā

    tumhāre hāthoñ meñ ḳhanjar haiñ kis liye yaaro

    jalāo mere payāmāt ke diye yaaro

    tumhāre zehnoñ meñ makrūh sāzish aur fasād

    diloñ meñ nafrat-o-kīna hai aur buġhz-o-inād

    magar laboñ pe hai bābā-e-qaum zindabād

    mujhe ye khokhle na.are na chāhiye yaaro

    jalāo mere payāmāt ke diye yaaro

    zamīn nānak-o-chishtī pukārtī hai tumheñ

    dayār-e-budh tajallī pukārtī hai tumheñ

    suno kanhaiyā bansī pukārtī hai tumheñ

    ab aur der bhī karnī na chāhiye yaaro

    jalāo mere payāmāt ke diye yaaro

    uTho zamāna-e-hāzir hai ik payām-e-amal

    uTho ki kaañp rahī hai navā-e-sāz-e-ġhazal

    uTho ki maañd na ho jaa.e husn-e-tāj-mahal

    uTho ki sīnoñ meñ phir raushnī jiye yaaro

    jalāo mere payāmāt ke diye yaaro

    phir apne zehnoñ meñ lahkāo dostī chaman

    phir apnī sāñsoñ se mahkāo pyaar madhūban

    phir apne kāmoñ se chamkāo sar-zamīn-e-vatan

    tumhāre mai-kade meñ dahr phir piye yaaro

    jalāo mere payāmāt ke diye yaaro

    na chhoḌo zinda vatan meñ kisī luTere ko

    kuchal do baḌh ke har ik saañp ko sapere ko

    miTāo firqa-parastī ke har añdhere ko

    bachāo desh ko bhagvān ke liye yaaro

    jalāo mere payāmāt ke diye yaaro

    mujhe ye khokhle na.are na chāhiye yaaro

    salam ai ufuq-e-hind ke hasin taro

    salam tum pe siphar-e-watan ke mah-paro

    salam tum pe mere bachcho ai mere pyaro

    bhulae baiThe ho tum mujh ko kis liye yaro

    jalao mere payamat ke diye yaro

    suno ki meri tamanna-o-arzu tum ho

    suno ki madar-e-bhaarat ki aabru tum ho

    suno ki amn-e-zamana ki justuju tum ho

    KHamosh baiThe ho kyun apne lab siye yaro

    jalao mere payamat ke diye yaro

    salam tum pe ki mere chaman ke phul ho tum

    meri nazar meri fitrat mera usul ho tum

    magar ye kya hua kis waste malul ho tum

    ye tum ne chand ghalat kaam kyun kiye yaro

    jalao mere payamat ke diye yaro

    watan mein KHun ke dariya baha diye tum ne

    sabhi nuqush-e-ahinsa miTa diye tum ne

    riwaj-kar-e-mohabbat bhala diye tum ne

    rusum-e-mehr-o-wafa tark kar diye yaro

    jalao mere payamat ke diye yaro

    sabaq paDhaya tha tum ko adam-tashaddud ka

    tumhein bataya tha main ne gunah hai hinsa

    ye tum ne kis liye tegh-o-tabar se kaam liya

    tumhaare hathon mein KHanjar hain kis liye yaro

    jalao mere payamat ke diye yaro

    tumhaare zehnon mein makruh sazish aur fasad

    dilon mein nafrat-o-kina hai aur bughz-o-inad

    magar labon pe hai baba-e-qaum zindabaad

    mujhe ye khokhle nare na chahiye yaro

    jalao mere payamat ke diye yaro

    zamin nanak-o-chishti pukarti hai tumhein

    dayar-e-budh ki tajalli pukarti hai tumhein

    suno kanhaiya ki bansi pukarti hai tumhein

    ab aur der bhi karni na chahiye yaro

    jalao mere payamat ke diye yaro

    uTho zamana-e-hazir hai ek payam-e-amal

    uTho ki kanp rahi hai nawa-e-saz-e-ghazal

    uTho ki mand na ho jae husn-e-taj-mahal

    uTho ki sinon mein phir raushni jiye yaro

    jalao mere payamat ke diye yaro

    phir apne zehnon mein lahkao dosti ka chaman

    phir apni sanson se mahkao pyar ka madhuban

    phir apne kaamon se chamkao sar-zamin-e-watan

    tumhaare mai-kade mein dahr phir piye yaro

    jalao mere payamat ke diye yaro

    na chhoDo zinda watan mein kisi luTere ko

    kuchal do baDh ke har ek sanp ko sapere ko

    miTao firqa-parasti ke har andhere ko

    bachao desh ko bhagwan ke liye yaro

    jalao mere payamat ke diye yaro

    mujhe ye khokhle nare na chahiye yaro

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now