چارہ گر

مخدومؔ محی الدین

چارہ گر

مخدومؔ محی الدین

MORE BY مخدومؔ محی الدین

    اک چنبیلی کے منڈوے تلے

    مے کدے سے ذرا دور اس موڑ پر

    دو بدن

    پیار کی آگ میں جل گئے

    پیار حرف وفا پیار ان کا خدا

    پیار ان کی چتا

    دو بدن

    اوس میں بھیگتے چاندنی میں نہاتے ہوئے

    جیسے دو تازہ رو تازہ دم پھول پچھلے پہر

    ٹھنڈی ٹھنڈی سبک رو چمن کی ہوا

    صرف ماتم ہوئی

    کالی کالی لٹوں سے لپٹ گرم رخسار پر

    ایک پل کے لیے رک گئی

    ہم نے دیکھا انہیں

    دن میں اور رات میں

    نور و ظلمات میں

    مسجدوں کے مناروں نے دیکھا انہیں

    مندروں کے کواڑوں نے دیکھا انہیں

    مے کدوں کی دراڑوں نے دیکھا انہیں

    از ازل تا ابد

    یہ بتا چارہ گر

    تیری زنبیل میں

    نسخۂ کیمیائے محبت بھی ہے

    کچھ علاج و مداوائے الفت بھی ہے

    اک چنبیلی کے منڈوے تلے

    مے کدے سے ذرا دور اس موڑ پر

    دو بدن

    RECITATIONS

    نعمان شوق

    نعمان شوق

    فہد حسین

    فہد حسین

    نعمان شوق

    چارہ گر نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY