aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kisan

MORE BYJosh Malihabadi

    jhuTpuTe narm-rau dariyā shafaq iztirāb

    khetiyāñ maidān ḳhāmoshī ġhurūb-e-āftāb

    dasht ke kām-o-dahan ko din talḳhī se farāġh

    duur dariyā ke kināre dhuñdle dhuñdle se charāġh

    zer-e-lab arz o samā meñ bāhamī guft-o-shunūd

    mish.al-e-gardūñ ke bujh jaane se ik halkā duud

    vus.ateñ maidān sūraj ke chhup jaane se tañg

    sabza-e-afsurda par ḳhvāb-āfrīñ halkā rañg

    ḳhāmushī aur ḳhāmushī meñ sansanāhaT sadā

    shaam ḳhunkī se goyā din garmī gilā

    apne dāman ko barābar qat.a kartā huā

    tīrgī meñ khetiyoñ ke darmiyāñ fāslā

    ḳhār-o-ḳhas par ek dard-añgez afsāne shaan

    bām-e-gardūñ par kisī ke ruuTh kar jaane shaan

    duub ḳhushbū meñ shabnam namī se ik surūr

    charḳh par bādal zamīñ par titliyāñ sar par tuyūr

    paara paara abr surḳhī surḳhiyoñ meñ kuchh dhuāñ

    bhūlī-bhaTkī zamīñ khoyā huā āsmāñ

    pattiyāñ maḳhmūr kaliyāñ aañkh jhapkātī huī

    narm-jāñ paudoñ ko goyā niiñd aatī huī

    ye samāñ aur ik qavī insān ya.anī kāst-kār

    irtiqā peshvā tahzīb parvardigār

    jis ke māthe ke pasīne se pa.e-izz-o-vaqār

    kartī hai daryūza-e-tābish kulāh-e-tājdār

    sar-nigūñ rahtī haiñ jis se quvvateñ taḳhrīb

    jis ke buute par lachaktī hai kamar tahzīb

    jis mehnat se phabaktā hai tan-āsānī baaġh

    jis zulmat hathelī par tamaddun charāġh

    jis ke baazū salābat par nazākat madār

    jis ke kas-bal par akaḌtā hai ġhurūr-e-shahryār

    dhuup ke jhulse hue ruḳh par mashaqqat ke nishāñ

    khet se phere hue muñh ghar jānib hai ravāñ

    Tokrā sar par baġhal meñ phāoḌā tevrī pe bal

    sāmne bailoñ joḌī dosh par mazbūt hal

    kaun hal zulmat-shikan qindīl-e-bazm-e-āb-o-gil

    qasr-e-gulshan darīcha sīna-e-gītī dil

    ḳhushnumā shahroñ baanī rāz-e-fitrat surāġh

    ḳhāndān-e-teġh-e-jauhar-dār chashm-o-charāg

    dhaar par jis chaman-parvar shagūfoñ nizām

    shām-e-zer-e-arz ko sub.h-e-daraḳhshāñ payām

    Dūbtā hai ḳhaak meñ jo ruuh dauḌātā huā

    muzmahil zarroñ mausīqī ko chauñkātā huā

    jis ke chhū jaate misl-e-nāznīn-e-mah-jabīñ

    karvaToñ par karvaTeñ letī hai lailā-e-zamīñ

    parda-hā-e-ḳhvāb ho jaate haiñ jis se chaak chaak

    muskurā kar apnī chādar ko haTā detī hai ḳhaak

    jis tābish meñ daraḳhshānī hilāl-e-īd

    ḳhaak ke māyūs matl.a par kiran ummīd

    tifl-e-bārāñ tājdār-e-ḳhāk amīr-e-bostāñ

    māhir-e-ā.īn-e-qudarat nāzim-e-bazm-e-jahāñ

    nāzir-e-gul pāsbān-e-rañg-o-bū gulshan-panāh

    nāz-parvar lahlahātī khetiyoñ bādshāh

    vāris-e-asrār-e-fitrat fāteh-e-ummīd-o-bīm

    mahram-e-āsār-e-bārāñ vāqif-e-tab.a-e-nasīm

    sub.h farzand ḳhurshīd-e-zar-afshāñ alam

    mehnat-e-paiham paimāñ saḳht-koshī qasam

    jalva-e-qudrat shāhid husn-e-fitrat gavāh

    maah dil mehr-e-ālam-tāb nūr-e-nigāh

    qalb par jis ke numāyāñ nuur o zulmat nizām

    munkashif jis farāsat par mizāj-e-sub.h-o-shām

    ḳhuun hai jis javānī bahār-e-rozgār

    jis ke ashkoñ par farāġhat ke tabassum madār

    jis mehnat araq tayyār kartā hai sharāb

    uḌ ke jis rañg bin jaatā hai jāñ-parvar gulāb

    qalb-e-āhan jis ke naqsh-e-pā se hotā hai raqīq

    sho.ala-ḳhū jhoñkoñ hamdam tez kirnoñ rafīq

    ḳhuun jis bijliyoñ anjuman meñ bāryāb

    jis ke sar par jagmagātī hai kulāh-e-āftāb

    lahar khātā hai rag-e-ḳhāshāk meñ jis lahū

    jis ke dil aañch ban jaatī hai sail-e-rañg-o-bū

    dauḌtī hai raat ko jis nazar aflāk par

    din ko jis uñgliyāñ rahtī haiñ nabz-e-ḳhāk par

    jis jāñkāhī se Tapkātī hai amrit nabz-e-tāk

    jis ke dam se lāla-o-gul ban ke itrātī hai ḳhaak

    sāz-e-daulat ko atā kartī hai naġhme jis aah

    māñgtā hai bhiik tābānī jis se rū-e-shāh

    ḳhuun jis dauḌtā hai nabz-e-istiqlāl meñ

    loch bhar detā hai jo shahzādiyoñ chaal meñ

    jis mas ḳhāshāk meñ bantā hai ik chādar mahīn

    jis lohā maan kar sonā ugaltī hai zamīn

    hal pe dahqāñ ke chamaktī haiñ shafaq surḳhiyāñ

    aur dahqāñ sar jhukā.e ghar jānib hai ravāñ

    us siyāsī rath ke pahiyoñ par jamā.e hai nazar

    jis meñ aa jaatī hai tezī khetiyoñ ko rauñd kar

    apnī daulat ko jigar par tīr-e-ġham khāte hue

    dekhtā hai mulk-e-dushman taraf jaate hue

    qat.a hotī nahīñ tārīki-e-hirmāñ se raah

    fāqa-kash bachchoñ ke dhuñdle āñsuoñ par hai nigāh

    sochtā jaatā hai kin āñkhoñ se dekhā jā.egā

    be-ridā biivī sar bachchoñ muñh utrā huā

    sīm-o-zar nān-o-namak āb-o-ġhizā kuchh bhī nahīñ

    ghar meñ ik ḳhāmosh mātam ke sivā kuchh bhī nahīñ

    ek dil aur ye hujūm-e-sogvārī haa.e haa.e

    ye sitam ai sañg-dil sarmāya-dārī haa.e haa.e

    terī āñkhoñ meñ haiñ ġhaltāñ vo shaqāvat ke sharār

    jin ke aage ḳhanjar-e-chañgez muḌtī hai dhaar

    bekasoñ ke ḳhuun meñ Duube hue haiñ tere haat

    kyā chabā Dālegī o kambaḳht saarī kā.enāt

    zulm aur itnā koī had bhī hai is tūfān

    boTiyāñ haiñ tere jabḌoñ meñ ġharīb insān

    dekh kar tere sitam ai hāmi-e-amn-o-amāñ

    gurg rah jaate haiñ dāñtoñ meñ dabā kar uñgliyāñ

    iddi.ā-e-pairvi-e-dīn-o-īmāñ aur

    dekh apnī kuhniyāñ jin se Tapaktā hai lahū

    haañ sambhal ab ki zahr-e-ahl-e-dil ke aab haiñ

    kitne tūfān terī kashtī ke liye be-tāb haiñ

    jhuTpuTe ka narm-rau dariya shafaq ka iztirab

    khetiyan maidan KHamoshi ghurub-e-aftab

    dasht ke kaam-o-dahan ko din ki talKHi se faragh

    dur dariya ke kinare dhundle dhundle se charagh

    zer-e-lab arz o sama mein bahami guft-o-shunud

    mishal-e-gardun ke bujh jaane se ek halka sa dud

    wusaten maidan ki suraj ke chhup jaane se tang

    sabza-e-afsurda par KHwab-afrin halka sa rang

    KHamushi aur KHamushi mein sansanahaT ki sada

    sham ki KHunki se goya din ki garmi ka gila

    apne daman ko barabar qata sa karta hua

    tirgi mein khetiyon ke darmiyan ka fasla

    KHar-o-KHas par ek dard-angez afsane ki shan

    baam-e-gardun par kisi ke ruTh kar jaane ki shan

    dub ki KHushbu mein shabnam ki nami se ek surur

    charKH par baadal zamin par titliyan sar par tuyur

    para para abr surKHi surKHiyon mein kuchh dhuan

    bhuli-bhaTki si zamin khoya hua sa aasman

    pattiyan maKHmur kaliyan aankh jhapkati hui

    narm-jaan paudon ko goya nind si aati hui

    ye saman aur ek qawi insan yani kast-kar

    irtiqa ka peshwa tahzib ka parwardigar

    jis ke mathe ke pasine se pae-izz-o-waqar

    karti hai daryuza-e-tabish kulah-e-tajdar

    sar-nigun rahti hain jis se quwwaten taKHrib ki

    jis ke bute par lachakti hai kamar tahzib ki

    jis ki mehnat se phabakta hai tan-asani ka bagh

    jis ki zulmat ki hatheli par tamaddun ka charagh

    jis ke bazu ki salabat par nazakat ka madar

    jis ke kas-bal par akaDta hai ghurur-e-shahryar

    dhup ke jhulse hue ruKH par mashaqqat ke nishan

    khet se phere hue munh ghar ki jaanib hai rawan

    Tokra sar par baghal mein phaoDa tewri pe bal

    samne bailon ki joDi dosh par mazbut hal

    kaun hal zulmat-shikan qindil-e-bazm-e-ab-o-gil

    qasr-e-gulshan ka daricha sina-e-giti ka dil

    KHushnuma shahron ka bani raaz-e-fitrat ka suragh

    KHandan-e-tegh-e-jauhar-dar ka chashm-o-charag

    dhaar par jis ki chaman-parwar shagufon ka nizam

    sham-e-zer-e-arz ko subh-e-daraKHshan ka payam

    Dubta hai KHak mein jo ruh dauData hua

    muzmahil zarron ki mausiqi ko chaunkata hua

    jis ke chhu jate hi misl-e-naznin-e-mah-jabin

    karwaTon par karwaTen leti hai laila-e-zamin

    parda-ha-e-KHwab ho jate hain jis se chaak chaak

    muskura kar apni chadar ko haTa deti hai KHak

    jis ki tabish mein daraKHshani hilal-e-id ki

    KHak ke mayus matla par kiran ummid ki

    tifl-e-baran tajdar-e-KHak amir-e-bostan

    mahir-e-ain-e-qudarat nazim-e-bazm-e-jahan

    nazir-e-gul pasban-e-rang-o-bu gulshan-panah

    naz-parwar lahlahati khetiyon ka baadshah

    waris-e-asrar-e-fitrat fateh-e-ummid-o-bim

    mahram-e-asar-e-baran waqif-e-taba-e-nasim

    subh ka farzand KHurshid-e-zar-afshan ka alam

    mehnat-e-paiham ka paiman saKHt-koshi ki qasam

    jalwa-e-qudrat ka shahid husn-e-fitrat ka gawah

    mah ka dil mehr-e-alam-tab ka nur-e-nigah

    qalb par jis ke numayan nur o zulmat ka nizam

    munkashif jis ki farasat par mizaj-e-subh-o-sham

    KHun hai jis ki jawani ka bahaar-e-rozgar

    jis ke ashkon par faraghat ke tabassum ka madar

    jis ki mehnat ka araq tayyar karta hai sharab

    uD ke jis ka rang bin jata hai jaan-parwar gulab

    qalb-e-ahan jis ke naqsh-e-pa se hota hai raqiq

    shoala-KHu jhonkon ka hamdam tez kirnon ka rafiq

    KHun jis ka bijliyon ki anjuman mein baryab

    jis ke sar par jagmagati hai kulah-e-aftab

    lahar khata hai rag-e-KHashak mein jis ka lahu

    jis ke dil ki aanch ban jati hai sail-e-rang-o-bu

    dauDti hai raat ko jis ki nazar aflak par

    din ko jis ki ungliyan rahti hain nabz-e-KHak par

    jis ki jaankahi se Tapkati hai amrit nabz-e-tak

    jis ke dam se lala-o-gul ban ke itraati hai KHak

    saz-e-daulat ko ata karti hai naghme jis ki aah

    mangta hai bhik tabani ki jis se ru-e-shah

    KHun jis ka dauDta hai nabz-e-istiqlal mein

    loch bhar deta hai jo shahzadiyon ki chaal mein

    jis ka mas KHashak mein banta hai ek chadar mahin

    jis ka loha man kar sona ugalti hai zamin

    hal pe dahqan ke chamakti hain shafaq ki surKHiyan

    aur dahqan sar jhukae ghar ki jaanib hai rawan

    us siyasi rath ke pahiyon par jamae hai nazar

    jis mein aa jati hai tezi khetiyon ko raund kar

    apni daulat ko jigar par tir-e-gham khate hue

    dekhta hai mulk-e-dushman ki taraf jate hue

    qata hoti hi nahin tariki-e-hirman se rah

    faqa-kash bachchon ke dhundle aansuon par hai nigah

    sochta jata hai kin aankhon se dekha jaega

    be-rida biwi ka sar bachchon ka munh utra hua

    sim-o-zar nan-o-namak aab-o-ghiza kuchh bhi nahin

    ghar mein ek KHamosh matam ke siwa kuchh bhi nahin

    ek dil aur ye hujum-e-sogwari hae hae

    ye sitam ai sang-dil sarmaya-dari hae hae

    teri aankhon mein hain ghaltan wo shaqawat ke sharar

    jin ke aage KHanjar-e-changez ki muDti hai dhaar

    bekason ke KHun mein Dube hue hain tere hat

    kya chaba Dalegi o kambaKHt sari kaenat

    zulm aur itna koi had bhi hai is tufan ki

    boTiyan hain tere jabDon mein gharib insan ki

    dekh kar tere sitam ai hami-e-amn-o-aman

    gurg rah jate hain danton mein daba kar ungliyan

    iddia-e-pairwi-e-din-o-iman aur tu

    dekh apni kuhniyan jin se Tapakta hai lahu

    han sambhal ja ab ki zahr-e-ahl-e-dil ke aab hain

    kitne tufan teri kashti ke liye be-tab hain

    RECITATIONS

    Nomaan Shauque

    Nomaan Shauque,

    Nomaan Shauque

    kisan Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now