aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

walid ki wafat par

Nida Fazli

walid ki wafat par

Nida Fazli

MORE BYNida Fazli

    Interesting Fact

    Emotional poem by Nida Fazli on his father's death.

    tumhārī qabr par

    maiñ fātiha paḌhne nahīñ aayā

    mujhe mālūm thā

    tum mar nahīñ sakte

    tumhārī maut sachchī ḳhabar jis ne uḌaa.ī thī

    vo jhūTā thā

    vo tum kab the

    koī sūkhā huā patta havā se mil ke TuuTā thā

    mirī āñkheñ

    tumhāre manzaroñ meñ qaid haiñ ab tak

    maiñ jo bhī dekhtā huuñ

    sochtā huuñ

    vo vahī hai

    jo tumhārī nek-nāmī aur bad-nāmī duniyā thī

    kahīñ kuchh bhī nahīñ badlā

    tumhāre haath merī uñgliyoñ meñ saañs lete haiñ

    maiñ likhne ke liye

    jab bhī qalam kāġhaz uThātā huuñ

    tumheñ baiThā huā maiñ apnī kursī meñ paatā huuñ

    badan meñ mere jitnā bhī lahū hai

    vo tumhārī

    laġhzishoñ nākāmiyoñ ke saath bahtā hai

    mirī āvāz meñ chhup kar

    tumhārā zehn rahtā hai

    mirī bīmāriyoñ meñ tum

    mirī lāchāriyoñ meñ tum

    tumhārī qabr par jis ne tumhārā naam likhā hai

    vo jhūTā hai

    tumhārī qabr meñ maiñ dafn huuñ

    tum mujh meñ zinda ho

    kabhī fursat mile to fātiha paḌhne chale aanā

    tumhaari qabr par

    main fatiha paDhne nahin aaya

    mujhe malum tha

    tum mar nahin sakte

    tumhaari maut ki sachchi KHabar jis ne uDai thi

    wo jhuTa tha

    wo tum kab the

    koi sukha hua patta hawa se mil ke TuTa tha

    meri aankhen

    tumhaare manzaron mein qaid hain ab tak

    main jo bhi dekhta hun

    sochta hun

    wo wahi hai

    jo tumhaari nek-nami aur bad-nami ki duniya thi

    kahin kuchh bhi nahin badla

    tumhaare hath meri ungliyon mein sans lete hain

    main likhne ke liye

    jab bhi qalam kaghaz uThata hun

    tumhein baiTha hua main apni hi kursi mein pata hun

    badan mein mere jitna bhi lahu hai

    wo tumhaari

    laghzishon nakaamiyon ke sath bahta hai

    meri aawaz mein chhup kar

    tumhaara zehn rahta hai

    meri bimariyon mein tum

    meri lachaariyon mein tum

    tumhaari qabr par jis ne tumhaara nam likha hai

    wo jhuTa hai

    tumhaari qabr mein main dafn hun

    tum mujh mein zinda ho

    kabhi fursat mile to fatiha paDhne chale aana

    Videos
    This video is playing from YouTube

    Videos
    This video is playing from YouTube

    Nida Fazli

    Nida Fazli

    Nida Fazli

    Nida Fazli

    RECITATIONS

    Fahad Husain

    Fahad Husain,

    Nomaan Shauque

    Nomaan Shauque,

    Fahad Husain

    walid ki wafat par Fahad Husain

    Nomaan Shauque

    Walid ki wafat par - nida fazli Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now