holi

MORE BYNazeer Akbarabadi

    aa dhamke aish o tarab kyā kyā jab husn dikhāyā holī ne

    har aan ḳhushī dhuum huī yuuñ lutf jatāyā holī ne

    har ḳhātir ko ḳhursand kiyā har dil ko lubhāyā holī ne

    daf rañgīñ naqsh sunahrī jis vaqt bajāyā holī ne

    bāzār galī aur kūchoñ meñ ġhul-shor machāyā holī ne

    svāñg kahūñ rañg kahūñ husn batā.ūñ holī

    sab abran tan par jhamak rahā aur kesar māthe Tiikā

    hañs denā har-dam nāz-bharā dikhlānā saj-dhaj shoḳhī

    har gālī, misrī, qand-bharī, har ek qadam aTkhelī

    dil shaad kiyā aur moh liyā ye, jauban paayā holī ne

    kuchh table khaTke taal baje kuchh Dholak aur murdañg bajī

    kuchh jhaḌpeñ biin rabāboñ kuchh sārañgī aur chañg bajī

    kuchh taar tambūroñ ke jhañke kuchh DhamDhī aur muñh-chañg bajī

    kuchh ghuñgrū khaTke jham-jham-jham kuchh gat gat par āhañg bajī

    hai har dam nāchne gaane ye taar bañdhāyā holī ne

    har jāgah thaal gulāloñ se, ḳhush-rañgat gul-kārī hai

    aur Dher abīroñ ke lāge, so ishrat tayyārī hai

    haiñ raag bahāreñ dikhlāte aur rañg-bharī pichkārī hai

    muñh surḳhī se gulnār hue tan kesar kyārī hai

    ye ruup jhamaktā dikhlāyā ye rañg dikhāyā holī ne

    har aan ḳhushī se aapas meñ sab hañs hañs rañg chhiḌakte haiñ

    ruḳhsār gulāloñ se gul-gūñ, kapḌoñ se rañg Tapakte haiñ

    kuchh raag aur rañg jhamakte haiñ kuchh mai ke jaam chhalakte haiñ

    kuchh kuude haiñ, kuchh uchhle haiñ, kuchh hañste haiñ, kuchh bikte haiñ

    ye taur ye naqshā ishrat har aan banāyā holī ne

    aa dhamke aish o tarab kya kya jab husn dikhaya holi ne

    har aan KHushi ki dhum hui yun lutf jataya holi ne

    har KHatir ko KHursand kiya har dil ko lubhaya holi ne

    daf rangin naqsh sunahri ka jis waqt bajaya holi ne

    bazar gali aur kuchon mein ghul-shor machaya holi ne

    ya swang kahun ya rang kahun ya husn bataun holi ka

    sab abran tan par jhamak raha aur kesar ka mathe Tika

    hans dena har-dam naz-bhara dikhlana saj-dhaj shoKHi ka

    har gali, misri, qand-bhari, har ek qadam aTkheli ka

    dil shad kiya aur moh liya ye, jauban paya holi ne

    kuchh table khaTke tal baje kuchh Dholak aur murdang baji

    kuchh jhaDpen bin rababon ki kuchh sarangi aur chang baji

    kuchh tar tamburon ke jhanke kuchh DhamDhi aur munh-chang baji

    kuchh ghungru khaTke jham-jham-jham kuchh gat gat par aahang baji

    hai har dam nachne gane ka ye tar bandhaya holi ne

    har jagah thaal gulalon se, KHush-rangat ki gul-kari hai

    aur Dher abiron ke lage, so ishrat ki tayyari hai

    hain rag bahaaren dikhlate aur rang-bhari pichkari hai

    munh surKHi se gulnar hue tan kesar ki si kyari hai

    ye rup jhamakta dikhlaya ye rang dikhaya holi ne

    har aan KHushi se aapas mein sab hans hans rang chhiDakte hain

    ruKHsar gulalon se gul-gun, kapDon se rang Tapakte hain

    kuchh rag aur rang jhamakte hain kuchh mai ke jam chhalakte hain

    kuchh kude hain, kuchh uchhle hain, kuchh hanste hain, kuchh bikte hain

    ye taur ye naqsha ishrat ka har aan banaya holi ne

    Videos
    This video is playing from YouTube

    Videos
    This video is playing from YouTube

    Unknown

    Unknown

    Source :
    • Book : intekhab naziir akbaraabaadii (Pg. 38)
    • Publication : rashid hasan (2011)
    • Edition : 2011

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY