aaina dekhte ho

is ke ādāb to pahle sīkho

ḳhaak meñ ḳhūn-e-rag-e-jāñ to

milā kar dekho

aañkh dariyā to banā kar dekho

shaam kī ThanDī havā rāstoñ ko degī bose

ḳhvāb ā.ankhoñ meñ samundar kā utar aa.egā

rañg meñ rañg mileñge

giit phir chheḌeñge dariyā ke kināre ashjār

ā.īna dekhte ho

sat.h-e-dariyā pe jahāñ kaa.ī bane ā.īna

chāñdnī jhiil kī lahroñ pe bane ā.īna

ashk ā.ankhoñ se gire aur bane ā.īna

sārbānoñ ke qadam chūmte jo dasht bane ā.īna

ātish-e-ġham se jale dil to bane ā.īna

aañkh se saaf karo gard

nazar tez karo

ḳhaak meñ ḳhvāb milāo

use mahmez karo

is ke aadab to pahle sikho

KHak mein KHun-e-rag-e-jaan to

mila kar dekho

aankh dariya to bana kar dekho

sham ki ThanDi hawa raston ko degi bose

KHwab aaankhon mein samundar ka utar aaega

rang mein rang milenge

git phir chheDenge dariya ke kinare ashjar

aaina dekhte ho

sath-e-dariya pe jahan kai bane aaina

chandni jhil ki lahron pe bane aaina

ashk aaankhon se gire aur bane aaina

sarbanon ke qadam chumte jo dasht bane aaina

aatish-e-gham se jale dil to bane aaina

aankh se saf karo gard

nazar tez karo

KHak mein KHwab milao

use mahmez karo