aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aaj aur kal

Qateel Shifai

aaj aur kal

Qateel Shifai

MORE BYQateel Shifai

    jab chhalakte haiñ zar-o-sīm ke gaate hue jaam

    ek zahrāb māhaul meñ ghul jaatā hai

    kaañp uThtā hai tahī-dast javānoñ ġhurūr

    husn jab resham-o-kam-ḳhvāb meñ tal jaatā hai

    maiñ ne dekhā hai ki aflās ke sahrāoñ meñ

    qāfile azmat-e-ehsās ke ruk jaate haiñ

    bekasī garm nigāhoñ ko jhulas detī hai

    dil kisī sho.ala-e-zartāb se phuk jaate haiñ

    jin usūloñ se ibārat hai mohabbat asaas

    un usūloñ ko yahāñ toḌ diyā jaatā hai

    apnī sahmī huī manzil ke tahaffuz ke liye

    rahguzāroñ meñ dhuāñ chhoḌ diyā jaatā hai

    maiñ ne jo raaz zamāne se chhupānā chāhā!

    ne āfāq pe us raaz dar khol diyā

    merī bāñhoñ ne jo dekhe the sunahre sapne

    ne sone tarāzū meñ unheñ tol diyā

    aaj aflās ne khaa.ī hai zar-o-sīm se maat

    is meñ lekin tire chilloñ koī dosh nahīñ

    ye taġhayyur usī māhaul parvarda hai

    apnī be-rañg tabāhī jise hosh nahīñ

    rahguzāroñ ke dhundalke to zarā chhaT jaa.eñ

    apne talvoñ se ye kāñTe bhī nikal jā.eñge

    aaj aur kal masāfat ko zarā tai kar leñ

    vaqt ke saath irāde bhī badal jā.eñge

    jab chhalakte hain zar-o-sim ke gate hue jam

    ek zahrab sa mahaul mein ghul jata hai

    kanp uThta hai tahi-dast jawanon ka ghurur

    husn jab resham-o-kam-KHwab mein tal jata hai

    main ne dekha hai ki aflas ke sahraon mein

    qafile azmat-e-ehsas ke ruk jate hain

    bekasi garm nigahon ko jhulas deti hai

    dil kisi shoala-e-zartab se phuk jate hain

    jin usulon se ibarat hai mohabbat ki asas

    un usulon ko yahan toD diya jata hai

    apni sahmi hui manzil ke tahaffuz ke liye

    rahguzaron mein dhuan chhoD diya jata hai

    main ne jo raaz zamane se chhupana chaha!

    tu ne aafaq pe us raaz ka dar khol diya

    meri banhon ne jo dekhe the sunahre sapne

    tu ne sone ki taraazu mein unhen tol diya

    aaj aflas ne khai hai zar-o-sim se mat

    is mein lekin tere chillon ka koi dosh nahin

    ye taghayyur usi mahaul ka parwarda hai

    apni be-rang tabahi ka jise hosh nahin

    rahguzaron ke dhundalke to zara chhaT jaen

    apne talwon se ye kanTe bhi nikal jaenge

    aaj aur kal ki masafat ko zara tai kar len

    waqt ke sath irade bhi badal jaenge

    Source:

    kalam-e-qateel shifai (Pg. 63)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now