aaKHir aisa kyon hai papa

āḳhir aisā kyoñ hai paapā

mere shahr-e-kalkatta meñ

murġhī nahīñ murġhī haTTe meñ

kolhū nahīñ kolhū Tole meñ

maalā nahīñ mālā-pāḌe meñ

belā nahīñ baliyā ghāTe meñ

āḳhir aisā kyoñ hai paapā

mere shahr-e-kalkatta meñ

chūnā galī meñ chūnā kab hai

shīsha galī meñ shīsha kab hai

chhātā galī meñ chhātā kab hai

baksā galī meñ baksā kab hai

āḳhir aisā kyoñ hai paapā

mere shahr-e-kalkatta meñ

bhishtī nahīñ bhishtī-pāḌe meñ

mochī nahīñ mochī-pāḌe meñ

haajī nahīñ hājī-pāḌe meñ

qaazī nahīñ qāzī-pāḌe meñ

āḳhir aisā kyoñ hai paapā

mere shahr-e-kalkatta meñ

taal nahīñ hai tāl-tale meñ

niim nahīñ hai niim tale meñ

jhaav nahīñ hai jhāv-tale meñ

baañs nahīñ hai bāñs-tale meñ

āḳhir aisā kyoñ hai paapā

mere shahr-e-kalkatta meñ

hairat se jab maiñ ne pūchhā

bas itnā hī bole paapā

aaj nahīñ hai lekin beTā

barsoñ pahle hotā hogā

aaKHir aisa kyon hai papa

mere shahr-e-kalkatta mein

murghi nahin murghi haTTe mein

kolhu nahin kolhu Tole mein

mala nahin mala-paDe mein

bela nahin baliya ghaTe mein

aaKHir aisa kyon hai papa

mere shahr-e-kalkatta mein

chuna gali mein chuna kab hai

shisha gali mein shisha kab hai

chhata gali mein chhata kab hai

baksa gali mein baksa kab hai

aaKHir aisa kyon hai papa

mere shahr-e-kalkatta mein

bhishti nahin bhishti-paDe mein

mochi nahin mochi-paDe mein

haji nahin haji-paDe mein

qazi nahin qazi-paDe mein

aaKHir aisa kyon hai papa

mere shahr-e-kalkatta mein

tal nahin hai tal-tale mein

nim nahin hai nim tale mein

jhaw nahin hai jhaw-tale mein

bans nahin hai bans-tale mein

aaKHir aisa kyon hai papa

mere shahr-e-kalkatta mein

hairat se jab main ne puchha

bas itna hi bole papa

aaj nahin hai lekin beTa

barson pahle hota hoga