aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aaKHiri KHat

Faiz Ahmad Faiz

aaKHiri KHat

Faiz Ahmad Faiz

MORE BYFaiz Ahmad Faiz

    vo vaqt mirī jaan bahut duur nahīñ hai

    jab dard se ruk jā.eñgī sab ziist rāheñ

    aur had se guzar jā.egā andoh-e-nihānī

    thak jā.eñgī tarsī huī nākām nigāheñ

    chhin jā.eñge mujh se mire aañsū mirī aaheñ

    chhin jā.egī mujh se mirī be-kār javānī

    shāyad mirī ulfat ko bahut yaad karogī

    apne dil-e-māsūm ko nāshād karogī

    aaogī mirī gor pe tum ashk bahāne

    nau-ḳhez bahāroñ ke hasīñ phuul chaḌhāne

    shāyad mirī turbat ko bhī Thukrā ke chalogī

    shāyad mirī be-sūd vafāoñ pe hañsogī

    is vaz-e-karam bhī tumheñ paas na hogā

    lekin dil-e-nākām ko ehsās na hogā

    al-qissa ma.āl-e-ġham-e-ulfat pe hañso tum

    ashk bahātī raho fariyād karo tum

    maazī pe nadāmat ho tumheñ ki masarrat

    ḳhāmosh paḌā so.egā vāmāñda-e-ulfat

    wo waqt meri jaan bahut dur nahin hai

    jab dard se ruk jaengi sab zist ki rahen

    aur had se guzar jaega andoh-e-nihani

    thak jaengi tarsi hui nakaam nigahen

    chhin jaenge mujh se mere aansu meri aahen

    chhin jaegi mujh se meri be-kar jawani

    shayad meri ulfat ko bahut yaad karogi

    apne dil-e-masum ko nashad karogi

    aaogi meri gor pe tum ashk bahane

    nau-KHez bahaaron ke hasin phul chaDhane

    shayad meri turbat ko bhi Thukra ke chalogi

    shayad meri be-sud wafaon pe hansogi

    is waz-e-karam ka bhi tumhein pas na hoga

    lekin dil-e-nakaam ko ehsas na hoga

    al-qissa maal-e-gham-e-ulfat pe hanso tum

    ya ashk bahati raho fariyaad karo tum

    mazi pe nadamat ho tumhein ya ki masarrat

    KHamosh paDa soega wamanda-e-ulfat

    Videos
    This video is playing from YouTube

    Videos
    This video is playing from YouTube

    Mehran Amrohi

    Mehran Amrohi

    Source:

    Nuskha Hai Wafa (Kulliyat-e-Faiz) (Pg. 28)

      • Edition: 2009
      • Publisher: Educational Publishing House
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now