aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aDe kabutar uDe KHayal

Munawwar Rana

aDe kabutar uDe KHayal

Munawwar Rana

MORE BYMunawwar Rana

    ik bosīda masjid meñ

    dīvāroñ mehrāboñ par

    aur kabhī chhat jānib

    merī āñkheñ ghuum rahī haiñ

    jaane kis ko DhūñD rahī haiñ

    merī āñkheñ ruk jaatī haiñ

    lohe ke us ḳhālī hook par

    jo ḳhālī ḳhālī nazroñ se

    har ik chehra dekh rahā hai

    ik aise insān shāyad

    jo ik pañkhā le aa.egā

    lā.egā aur duur karegā

    masjid be-sāmānī ko

    ḳhālī hook vīrānī par

    maiñ ne jab us hook ko dekhā

    merī nannhī phuul beTī

    merī āñkhoñ meñ dauḌ aa.ī

    bholī maañ ne us

    apnī pyārī rāj-dulārī beTī ke

    donoñ kānoñ ko

    apne hāthoñ se chhed diyā hai

    phūloñ jaise kānoñ meñ phir

    niim ke tinke Daal diye haiñ

    ummīdoñ aasoñ ke sahāre

    dil dil meñ soch rahī hai

    jab ham ko allāh hamārā

    thoḌā bhī paisa degā

    beTī ke kānoñ meñ us din

    bāliyāñ hoñgī bunde hoñge

    maiñ ne anthak mehnat kar ke

    pañkhā ek ḳharīd liyā hai

    masjid ke is ḳhālī hook ko

    maiñ ne pañkhā sauñp diyā hai

    hook meñ pañkhā dekh ke mujh ko

    hotā hai mahsūs ki jaise

    merī beTī bāliyāñ pahne

    ghar chhat par ghuum rahī hai

    ek bosida masjid mein

    diwaron mehrabon par

    aur kabhi chhat ki jaanib

    meri aankhen ghum rahi hain

    jaane kis ko DhunD rahi hain

    meri aankhen ruk jati hain

    lohe ke us KHali hook par

    jo KHali KHali nazron se

    har ek chehra dekh raha hai

    ek aise insan ka shayad

    jo ek pankha le aaega

    laega aur dur karega

    masjid ki be-samani ko

    KHali hook ki virani par

    main ne jab us hook ko dekha

    meri nannhi phul si beTi

    meri aankhon mein dauD aai

    bholi man ne us ki

    apni pyari raj-dulari beTi ke

    donon kanon ko

    apne hathon se chhed diya hai

    phulon jaise kanon mein phir

    nim ke tinke Dal diye hain

    ummidon aason ke sahaare

    dil hi dil mein soch rahi hai

    jab hum ko allah hamara

    thoDa sa bhi paisa dega

    beTi ke kanon mein us din

    baaliyan hongi bunde honge

    main ne anthak mehnat kar ke

    pankha ek KHarid liya hai

    masjid ke is KHali hook ko

    main ne pankha saunp diya hai

    hook mein pankha dekh ke mujh ko

    hota hai mahsus ki jaise

    meri beTi baaliyan pahne

    ghar ki chhat par ghum rahi hai

    Source:

    Shahdaba (Pg. 51)

    • Author: Munawwar Rana
      • Edition: 2012
      • Publisher: Maktaba Al- Faheem
      • Year of Publication: 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now