ادھورا خواب
شہر کیسے یہ اجنبی ٹھہرا
کیسے پہچان کھو گئی میری
اب کوئی جانتا نہیں مجھ کو
سوچتا ہوں تو کانپ جاتا ہوں
سہمے سہمے سے ہیں در و دیوار
کھڑکیاں دیکھ کر تعجب سے
گفتگو کر رہی ہیں آپس میں
کون آیا ہے ملنے برسوں بعد
کہہ رہی ہے یہ مجھ سے کیا انگنائی
پوچھتی ہے کہاں سے آئے ہو
کچھ بتاؤ تو کس سے ملنا ہے
سوچتا ہوں کہوں میں کیا اس سے
میری باتوں کو کب یہ مانے گی
میرے قصوں کو جھوٹ جانے گی
جس سے ملنا تھا وہ نظر ہی نہیں
ہائے اب کوئی منتظر ہی نہیں
ذہن یہ سوچنے پہ ہے مجبور
واقعی دیر ہو گئی ہے کیا
راستے میں کہیں رکا ہی نہیں
دیر کیسے ہوئی پھر آنے میں
مأخذ:
مرے تصور میں رنگ بھردو (Pg. 111)
- مصنف: بسمل عارفی
-
- ناشر: نور پبلی کیشن، دریا گنج،نئی دہلی
- سن اشاعت: 2019
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.