agar

agar kabhī use merī yaad aa.e

merī tarah apnī

har anā

dafn kar aa.e

merī ḳhātir jahāñ se laḌ jaa.e

DhūñDe mujhe

dīvāna-vār nazroñ se

mahfil meñ to

kabhī tanhā.ī meñ

qarya qarya phire

sahrā sahrā jaa.e

phire jangaloñ meñ

duniyā ke

mārā-mārā

rakhe dil pe haath

shām-o-sahar

bhare sard aah

kabhī jo DhūñDne mujh ko samundaroñ ke safar pe nikle

chāñd kā 'aks jab paanī meñ dekhe

be-iḳhtiyār chauñke

kabhī ḳhud se lipaTtī havā se pata merā vo pūchhe

na milūñ jab is jahāñ meñ use

musalle pe jā ke dard apnā sunā.e

aur hichkiyāñ bāñdh kar giḌgiḌā.e

phir use apnī har be-ruḳhī yaad aa.e

taḌap taḌap ke vo naam merā dohrā.e

shāyad

kabhī aisā ho jaa.e

agar kabhi use meri yaad aae

meri tarah apni

har ana

dafn kar aae

meri KHatir jahan se laD jae

DhunDe mujhe

diwana-war nazron se

mahfil mein to

kabhi tanhai mein

qarya qarya phire

sahra sahra jae

phire jangalon mein

duniya ke

mara-mara

rakhe dil pe hath

sham-o-sahar

bhare sard aah

kabhi jo DhunDne mujh ko samundaron ke safar pe nikle

chand ka 'aks jab pani mein dekhe

be-iKHtiyar chaunke

kabhi KHud se lipaTti hawa se pata mera wo puchhe

na milun jab is jahan mein use

musalle pe ja ke dard apna sunae

aur hichkiyan bandh kar giDgiDae

phir use apni har be-ruKHi yaad aae

taDap taDap ke wo nam mera dohrae

shayad

kabhi aisa ho jae