agar hai jazba-e-tamir zinda

agar hai jazba-e-tāmīr zinda

to phir kis chiiz kī ham meñ kamī hai

jahāñ se phuul TuuTā thā vahīñ se

kalī sī ik numāyāñ ho rahī hai

jahāñ bijlī girī thī ab vahī shāḳh

na.e patte pahan kar tan ga.ī hai

ḳhizāñ se ruk sakā kab mausam-e-gul

yahī asl-e-usūl-e-zindagī hai

agar hai jazba-e-tāmīr zinda

khañDar se kal jahāñ bikhre paḌe the

vahīñ se aaj aivāñ uTh rahe haiñ

jahāñ kal zindagī mab.hūt sī thī

vahīñ par aaj naġhme gūñjte haiñ

ye sannāTe se lī hai samt-e-hijrat

yahī asl-e-usūl-e-zindagī hai

agar hai jazba-e-tāmīr zinda

to phir kis chiiz kī ham meñ kamī hai

rahe yaḳh-bastagī kā ḳhauf jab tak

shuā.eñ barf par larzāñ raheñgī

na dhīre jam nahīñ pā.eñge jab tak

charāġhoñ kī laveñ raqsāñ raheñgī

bashar kī apnī hī taqdīr se jañg

yahī asl-e-usūl-e-zindagī hai

agar hai jazba-e-tāmīr zinda

to phir kis chiiz kī ham meñ kamī hai

agar hai jazba-e-tamir zinda

to phir kis chiz ki hum mein kami hai

jahan se phul TuTa tha wahin se

kali si ek numayan ho rahi hai

jahan bijli giri thi ab wahi shaKH

nae patte pahan kar tan gai hai

KHizan se ruk saka kab mausam-e-gul

yahi asl-e-usul-e-zindagi hai

agar hai jazba-e-tamir zinda

khanDar se kal jahan bikhre paDe the

wahin se aaj aiwan uTh rahe hain

jahan kal zindagi mabhut si thi

wahin par aaj naghme gunjte hain

ye sannaTe se li hai samt-e-hijrat

yahi asl-e-usul-e-zindagi hai

agar hai jazba-e-tamir zinda

to phir kis chiz ki hum mein kami hai

rahe yaKH-bastagi ka KHauf jab tak

shuaen barf par larzan rahengi

na dhire jam nahin paenge jab tak

charaghon ki lawen raqsan rahengi

bashar ki apni hi taqdir se jang

yahi asl-e-usul-e-zindagi hai

agar hai jazba-e-tamir zinda

to phir kis chiz ki hum mein kami hai