aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

agar ye sab kuchh nahin

Ahmad Faraz

agar ye sab kuchh nahin

Ahmad Faraz

MORE BYAhmad Faraz

    mile to ham aaj bhī haiñ lekin

    na mere dil meñ vo tishnagī thī

    ki tujh se mil kar kabhī na bichhḌūñ

    na aaj tujh meñ vo zindagī thī

    ki jism-o-jāñ meñ ubaal aa.e

    na ḳhvāb-zāroñ meñ raushnī thī

    na merī āñkheñ charāġh lau

    na tujh meñ ḳhud-supurdagī thī

    na baat karne koī ḳhvāhish

    na chup meñ ḳhūb-sūratī thī

    mujassamoñ tarah the donoñ

    na dostī thī na dushmanī thī

    mujhe to kuchh yuuñ lagā hai jaise

    vo sā.ateñ bhī guzar ga.ī haiñ

    ki jin ko ham lā-zavāl samjhe

    vo ḳhvāhisheñ bhī to mar ga.ī haiñ

    jo tere mere lahū hiddat

    ko āḳhirash barf kar ga.ī haiñ

    mohabbateñ shauq chaTānoñ

    se ghāTiyoñ meñ utar ga.ī haiñ

    vo qurbateñ vo judā.iyāñ sab

    ġhubār ban kar bikhar ga.ī haiñ

    agar ye sab kuchh nahīñ to batlā

    vo chāhateñ ab kidhar ga.ī haiñ

    mile to hum aaj bhi hain lekin

    na mere dil mein wo tishnagi thi

    ki tujh se mil kar kabhi na bichhDun

    na aaj tujh mein wo zindagi thi

    ki jism-o-jaan mein ubaal aae

    na KHwab-zaron mein raushni thi

    na meri aankhen charagh ki lau

    na tujh mein hi KHud-supurdagi thi

    na baat karne ki koi KHwahish

    na chup hi mein KHub-surati thi

    mujassamon ki tarah the donon

    na dosti thi na dushmani thi

    mujhe to kuchh yun laga hai jaise

    wo saaten bhi guzar gai hain

    ki jin ko hum la-zawal samjhe

    wo KHwahishen bhi to mar gai hain

    jo tere mere lahu ki hiddat

    ko aaKHirash barf kar gai hain

    mohabbaten shauq ki chaTanon

    se ghaTiyon mein utar gai hain

    wo qurbaten wo judaiyan sab

    ghubar ban kar bikhar gai hain

    agar ye sab kuchh nahin to batla

    wo chahaten ab kidhar gai hain

    Source:

    Muntakhab Shahkar Nazmon Ka Album) (Pg. 166)

    • Author: Munavvar Jameel
      • Edition: 2000
      • Publisher: Haji Haneef Printer Lahore
      • Year of Publication: 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now