ai dil pahle bhi hum tanha the

ai dil ham tanhā aaj bhī haiñ

in zaḳhmoñ se

in dāġhoñ se

ab apnī bāteñ hotī haiñ

jo zaḳhm ki surḳh gulāb hue

jo daaġh ki badr-e-munīr hue

is tarah se kab tak jiinā hai

maiñ haar gayā is jiine se

koī abr uThe kisī qulzum se

ras barse mere vīrāne par

koī jāgtā ho koī kuḌhtā ho

mere der se vāpas aane pe

koī saañs bhare mere pahlū meñ

aur haath dhare mere shāne par

aur dabe dabe lahje meñ kahe

tum ne ab tak baḌe dard sahe

tum tanhā tanhā chalte rahe

tum tanhā tanhā jalte rahe

suno tanhā chalnā khel nahīñ

chalo aao mere hamrāh chalo

chalo na.e safar par chalte haiñ

chalo mujh ko banā ke gavāh chalo

ai dil hum tanha aaj bhi hain

in zaKHmon se

in daghon se

ab apni baaten hoti hain

jo zaKHm ki surKH gulab hue

jo dagh ki badr-e-munir hue

is tarah se kab tak jina hai

main haar gaya is jine se

koi abr uThe kisi qulzum se

ras barse mere virane par

koi jagta ho koi kuDhta ho

mere der se wapas aane pe

koi sans bhare mere pahlu mein

aur hath dhare mere shane par

aur dabe dabe lahje mein kahe

tum ne ab tak baDe dard sahe

tum tanha tanha chalte rahe

tum tanha tanha jalte rahe

suno tanha chalna khel nahin

chalo aao mere hamrah chalo

chalo nae safar par chalte hain

chalo mujh ko bana ke gawah chalo