ai farangi

Mela Ram Wafa

ai farangi

Mela Ram Wafa

MORE BYMela Ram Wafa

    INTERESTING FACT

    is kavitaa ke parkaashit hone par is ke lekhak mela ram 'vafaa' par bhaarat kii angrez sarkaar ne muqaddama chalaayaa jis me.n 'vafaa' saahib ko do saal qaid-e-saKHt kii sazaa hu.ii

    ai farañgī kabhī sochā hai ye dil meñ ne

    aur ye soch ke kuchh tujh ko hayā bhī aa.ī

    nā-mubārak thā bahut hind meñ aanā terā

    qaht aayā tere ham-rāh vabā bhī aa.ī

    tere qadmoñ se lagī aa.ī ġhulāmī zālim

    saath us ke ġharīboñ balā bhī aa.ī

    ban ga.ī bād-e-sumūm aah asar se tere

    is chaman meñ jo kabhī bād-e-sabā bhī aa.ī

    terī culture meñ chamak to hai magar is meñ nazar

    kabhī kuchh roshnī-e-sidq-o-safā bhī aa.ī

    yahī culture sabab-e-pastī-e-aḳhlāq huī

    hindiyoñ meñ isī culture se riyā bhī aa.ī

    jā-e-shukr is meñ shikāyāt tirī be-dād thī

    ġham-nasīboñ ko agar yād-e-ḳhudā bhī aa.ī

    terī sañgīneñ chamakne lagīñ saḌkoñ pe jūñ-hī

    lab pe mazlūmoñ ke fariyād zarā bhī aa.ī

    dard-e-iflās nezoñ se kiyā to ne ilaaj

    maut ban kar tere hāthoñ meñ shifā bhī aa.ī

    is ravish par kabhī ai bānī-e-be-dād tujhe

    dil ke andar se malāmat sadā bhī aa.ī

    ai farangi kabhi socha hai ye dil mein tu ne

    aur ye soch ke kuchh tujh ko haya bhi aai

    na-mubarak tha bahut hind mein aana tera

    qaht aaya tere ham-rah waba bhi aai

    tere qadmon se lagi aai ghulami zalim

    sath hi us ke gharibon ki bala bhi aai

    ban gai baad-e-sumum aah asar se tere

    is chaman mein jo kabhi baad-e-saba bhi aai

    teri culture mein chamak to hai magar is mein nazar

    kabhi kuchh roshni-e-sidq-o-safa bhi aai

    yahi culture sabab-e-pasti-e-aKHlaq hui

    hindiyon mein isi culture se riya bhi aai

    ja-e-shukr is mein shikayat teri be-dad ki thi

    gham-nasibon ko agar yaad-e-KHuda bhi aai

    teri sanginen chamakne lagin saDkon pe jun-hi

    lab pe mazlumon ke fariyaad zara bhi aai

    dard-e-iflas ka nezon se kiya to ne ilaj

    maut ban kar tere hathon mein shifa bhi aai

    is rawish par kabhi ai bani-e-be-dad tujhe

    dil ke andar se malamat ki sada bhi aai

    Source:

    • Book : Sang-e-Meel (Pg. 11)
    • Author : Mela Ram
    • Publication : Darpan Publication Subhash Nagar, Pathankot, Punjab (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY