aisa ho ki na-mauud ho

vo ġhanī saa.at ki ham

shākī na hoñ

yā yuuñ kaheñ ḳhākī na hoñ

sad-haif aflākī na hoñ

kaash us ġhanī saa.at meñ

ik kār-e-ġhanīmat aisā ho

miTTī badan kī

ruuh kī tahzīb se hamvār ho

bedār ho

ye naqsh-pā-e-raftagāñ

raushan misāl-e-kahkashāñ

sab ruuh kī tahzīb se bedār

miTTī kī numū hai

aks-e-hū hai

ruuh kī tahzīb

yā ik silsila jis meñ adam ko hai sabāt

(ahl-e-zamīñ

ik na.ara 'dīvāne kī bāt')

aur is adam se tā-sabāt ik baar

aisā ho ki nā-mau.ūd ho

ya.anī ḳhudā maujūd ho

ḳhākī faqat ḳhākī ho aflākī na ho

aur koī bhī shākī na ho

wo ghani saat ki hum

shaki na hon

ya yun kahen KHaki na hon

sad-haif aflaki na hon

kash us ghani saat mein

ek kar-e-ghanimat aisa ho

miTTi badan ki

ruh ki tahzib se hamwar ho

bedar ho

ye naqsh-pa-e-raftagan

raushan misal-e-kahkashan

sab ruh ki tahzib se bedar

miTTi ki numu hai

aks-e-hu hai

ruh ki tahzib

ya ek silsila jis mein adam ko hai sabaat

(ahl-e-zamin

ek nara 'diwane ki baat')

aur is adam se ta-sabaat ek bar

aisa ho ki na-mauud ho

yani KHuda maujud ho

KHaki faqat KHaki ho aflaki na ho

aur koi bhi shaki na ho