anar-kali

Yusuf Zafar

anar-kali

Yusuf Zafar

MORE BYYusuf Zafar

    tere ġham meñ kitnā nāzuk ho gayā hai dil ki ab

    is bhare bāzār meñ

    har sadā ik ajnabī ehsās ā.īna hai

    aaj tere ġham se fāriġh ho ke maiñ

    bah rahā huuñ lazzat-e-iz.hār ke sailāb meñ

    laḌkhaḌāte reñgte lañgḌāte hañste bolte

    lafz aur un dhuāñ ḳhushbū chamak

    chal rahe haiñ mil ke be-āhañg āvāzoñ ke rañg

    ajnabī hoñToñ ke lafz

    ārzuoñ ke ġhubāre hasratoñ titliyāñ

    chār-sū uḌtī haiñ maiñ ḳhāmosh huuñ

    guftugū ke dā.eroñ meñ phail kar

    rañg bhartā rahā hai un tamannāoñ ḳhuuñ

    jin ke lafzoñ ne zabāñ sunñe vāloñ ḳhayāl

    un meñ Duubā rahā hai bolte lafzoñ sahar

    us ko apne daam meñ laatā huā

    phail kar aatā hai mujh tak pech-o-ḳham khātā huā

    aur maiñ

    us kaifiyat ġhāza apne chehre par lagā.e

    ik na.ī āvāz ke saa.e meñ huuñ

    chāhtā huuñ band āñkhoñ se maiñ us sailāb meñ

    kuud jā.ūñ aur nazzāra karūñ

    apne kānoñ se diloñ ke tarjumāñ alfāz

    sūrat goyā se baḌh kar hai suḳhan-andāz

    nuqra.ī āvāz meñ lafzoñ nuur

    apne hamrāhī ke dil par naġhma-bār

    jaise shabnam dāman-e-gul par gire be-iḳhtiyār

    is sadā meñ harf haiñ mom ke aañsū haiñ jo

    sham.a ke pahlū meñ girte rahe haiñ kyā karūñ

    āñkheñ kholūñ aur us bachchī sūrat dekh luuñ

    us sadā meñ naḳhvat-e-zar jalāl

    jaise parbat se gire jharnā koī

    sañg-e-asvad chaTāneñ toḌnā

    dost ham-sin ham-suḳhan

    jin ke saada saaf se andāz meñ

    koī maazī koī mustaqbil nahīñ

    haal ke lamhāt rañgīñ qahqahe phūloñ ke haar

    aur us āvāz meñ

    ziist mahrūmiyāñ zanjīr dar zanjīr haiñ

    kholte lafzoñ bhaap

    dil ke ā.īne ko dhuñdlātī hai haath

    ḳhud-baḳhud baḌhtā hai apnī jeb jānib magar

    ye gadā bhī to nahīñ

    aur us āvāz meñ hirs-o-havas zahr hai

    lafz tīroñ tarah uḌte hue

    sīna-e-ehsās meñ paivast hote haiñ magar

    dil se nafrat ke sivā koī sadā uThtī nahīñ

    aur ye āvāz merī dost-dār dil tirī āvāz hai

    kitne naġhme gūñjte haiñ kitnī rātoñ ḳhumār

    kitne rañgoñ talātum kitne phūloñ hañsī

    sarsarāte reshmīñ malbūs ke mānind ye terī sadā

    Dhāñptī hai garmi-e-āġhosh se parvāz meñ

    kho ga.ī haiñ saarī āvāzeñ tirī āvāz meñ

    tere gham mein kitna nazuk ho gaya hai dil ki ab

    is bhare bazar mein

    har sada ek ajnabi ehsas ka aaina hai

    aaj tere gham se farigh ho ke main

    bah raha hun lazzat-e-izhaar ke sailab mein

    laDkhaDate rengte langDate hanste bolte

    lafz aur un ka dhuan KHushbu chamak

    chal rahe hain mil ke be-ahang aawazon ke rang

    ajnabi honTon ke lafz

    aarzuon ke ghubare hasraton ki titliyan

    chaar-su uDti hain main KHamosh hun

    guftugu ke daeron mein phail kar

    rang bharta ja raha hai un tamannaon ka KHun

    jin ke lafzon ne zaban di sunne walon ka KHayal

    un mein Duba ja raha hai bolte lafzon ka sahar

    us ko apne dam mein lata hua

    phail kar aata hai mujh tak pech-o-KHam khata hua

    aur main

    us ki kaifiyat ka ghaza apne chehre par lagae

    ek nai aawaz ke sae mein hun

    chahta hun band aankhon se main us sailab mein

    kud jaun aur nazzara karun

    apne kanon se dilon ke tarjuman alfaz ka

    surat goya se baDh kar hai suKHan-andaz ka

    nuqrai aawaz mein lafzon ka nur

    apne hamrahi ke dil par naghma-bar

    jaise shabnam daman-e-gul par gire be-iKHtiyar

    is sada mein harf hain ya mom ke aansu hain jo

    shama ke pahlu mein girte ja rahe hain kya karun

    aankhen kholun aur us bachchi ki surat dekh lun

    us sada mein naKHwat-e-zar ka jalal

    jaise parbat se gire jharna koi

    sang-e-aswad ki chaTanen toDna

    dost ham-sin ham-suKHan

    jin ke sada saf se andaz mein

    koi mazi koi mustaqbil nahin

    haal ke lamhat rangin qahqahe phulon ke haar

    aur us aawaz mein

    zist ki mahrumiyan zanjir dar zanjir hain

    kholte lafzon ki bhap

    dil ke aaine ko dhundlati hai hath

    KHud-baKHud baDhta hai apni jeb ki jaanib magar

    ye gada bhi to nahin

    aur us aawaz mein hirs-o-hawas ka zahr hai

    lafz tiron ki tarah uDte hue

    sina-e-ehsas mein paiwast hote hain magar

    dil se nafrat ke siwa koi sada uThti nahin

    aur ye aawaz meri dost-dar dil teri aawaz hai

    kitne naghme gunjte hain kitni raaton ka KHumar

    kitne rangon ka talatum kitne phulon ki hansi

    sarsaraate reshmin malbus ke manind ye teri sada

    Dhanpti hai garmi-e-aghosh se parwaz mein

    kho gai hain sari aawazen teri aawaz mein

    Source:

    • Book : Muntakhab Shahkar Nazmon Ka Album) (Pg. 342)
    • Author : Munavvar Jameel
    • Publication : Haji Haneef Printer Lahore (2000)
    • Edition : 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY