aur hawa chup rahi
shāḳh-e-zaitūn par kam-suḳhan fāḳhtāoñ ke itne basere ujāḌe ga.e
aur havā chup rahī
be-karāñ āsmānoñ kī pihnā.iyāñ be-nasheman shikasta paroñ kī tag-o-tāz par bain kartī rahīñ
aur havā chup rahī
zard parcham uḌātā huā lashkar-e-be-amāñ gul-zamīnoñ ko pāmāl kartā rahā
aur havā chup rahī
ārzūmand āñkheñ bashārat-talab dil duāoñ ko uTThe hue haath sab be-samar rah ga.e
aur havā chup rahī
aur tab habs ke qaharmāñ mausamoñ ke azaab in zamīnoñ pe bheje ga.e
aur munādī karā dī ga.ī
jab kabhī rañg kī ḳhushbuoñ kī uḌānoñ kī āvāz kī aur ḳhvāboñ kī tauhīn kī jā.egī
ye azaab in zamīnoñ pe aate raheñge
AND THE WIND WAS SILENT
shaKH-e-zaitun par kam-suKHan faKHtaon ke itne basere ujaDe gae
aur hawa chup rahi
be-karan aasmanon ki pihnaiyan be-nasheman shikasta paron ki tag-o-taz par bain karti rahin
aur hawa chup rahi
zard parcham uData hua lashkar-e-be-aman gul-zaminon ko pamal karta raha
aur hawa chup rahi
aarzumand aankhen bashaarat-talab dil duaon ko uTThe hue hath sab be-samar rah gae
aur hawa chup rahi
aur tab habs ke qaharman mausamon ke azab in zaminon pe bheje gae
aur munadi kara di gai
jab kabhi rang ki KHushbuon ki uDanon ki aawaz ki aur KHwabon ki tauhin ki jaegi
ye azab in zaminon pe aate rahenge
AND THE WIND WAS SILENT
Source:
Mahr-e-Do Neem (Pg. 179)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
