عورت کتا اور پڑوس

راجیندر منچندا بانی

عورت کتا اور پڑوس

راجیندر منچندا بانی

MORE BYراجیندر منچندا بانی

    اک حسیں سی عورت

    اپنے نرم چہرے کو

    مضطرب سا رکھتی ہے

    جس کے فقرے فقرے میں

    گونجتی ہے جھلاہٹ

    اپنے گھر کے آنگن میں

    جب ٹہلنے آتی ہے

    دور سے اگر کوئی

    دیکھ لے ذرا اس کو

    یا کوئی گزر جائے

    اس کے گھر کے آگے سے

    ناک بھوں چڑھاتی ہے

    اور بڑبڑاتی ہے

    لیکن اپنے کتے کو

    پیار سے بلاتی ہے

    اور لگا کے چھاتی سے

    چوم چوم لیتی ہے

    اس کا مضطرب چہرہ

    سرخ ہوتا جاتا ہے

    اور دیکھنے والے

    اپنے گھر کی کھڑکی سے

    چھپ کے دیکھ لیتے ہیں

    کوئی اپنے کمرے سے

    باہر آ نہیں سکتا

    ہر پڑوسی ڈرتا ہے

    اس حسین عورت کی

    لمحہ کی مسرت بھی

    اس سے چھن گئی تو پھر!

    مأخذ :
    • کتاب : Kulliyat-e-bani (Pg. 111)

    related content

    نظم

    عورت نے جنم دیا مردوں کو مردوں نے اسے بازار دیا

    عورت نے جنم دیا مردوں کو مردوں نے اسے بازار دیا

    ساحر لدھیانوی

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    بولیے