عیادت
یہ کون آ گیا رخ خنداں لیے ہوئے
عارض پہ رنگ و نور کا طوفاں لیے ہوئے
بیمار کے قریب بصد شان احتیاط
دل داریٔ نسیم بہاراں لیے ہوئے
رخسار پر لطیف سی اک موج سر خوشی
لب پر ہنسی کا نرم سا طوفاں لیے ہوئے
پیشانیٔ جمیل پہ انوار تمکنت
تابندگیٔ صبح درخشاں لیے ہوئے
زلفوں کے پیچ و خم میں بہاریں چھپی ہوئی
اک کاروان نکہت بستاں لیے ہوئے
آ ہی گیا وہ میرا نگار نظر نواز
ظلمت کدے میں شمع فروزاں لیے ہوئے
اک اک ادا میں سیکڑوں پہلوئے دلدہی
اک اک نظر میں پرسش پنہاں لیے ہوئے
میرے سواد شوق کا خورشید نیم شب
عزم شکست ماہ جبیناں لیے ہوئے
درس سکون و صبر بہ ایں اہتمام ناز
نشتر زنیٔ جنبش مژگاں لیے ہوئے
آنکھوں سے ایک رو سی نکلتی ہوئی ہر آن
غرقابئ حیات کا ساماں لیے ہوئے
ہلتی ہوئی نگاہ میں بجلی بھری ہوئی
کھلتے ہوئے لبوں میں گلستاں لیے ہوئے
یہ کون ہے مجازؔ سے سرگرم گفتگو
دونوں ہتھیلیوں پہ زنخداں لیے ہوئے
مأخذ:
Kulliyaat-e-Majaz (Pg. 158)
- مصنف: Asrarul Haque Majaz
-
- اشاعت: 2006
- ناشر: Kitabi Duniya 1955 Gali Nawab Mirza Mohalla Qabristan Turkman Gate Delhi-6 (India)
- سن اشاعت: 2006
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
