baz-amad --- ek muntaj

Akhtar-ul-Iman

baz-amad --- ek muntaj

Akhtar-ul-Iman

MORE BY Akhtar-ul-Iman

    titliyāñ nāchtī haiñ

    phuul se phuul pe yuuñ jaatī haiñ

    jaise ik baat hai jo

    kaan meñ kahnī hai ḳhāmoshī se

    aur har phuul hañsā paḌtā hai sun kar ye baat

    dhuup meñ tezī nahīñ

    aise aatā hai har ik jhoñkā havā jaise

    dast-e-shafqat hai baḌī umr mahbūba

    aur mire shānoñ ko is tarah hilā jaatā hai

    jaise maiñ niiñd meñ huuñ

    aurteñ charḳhe liye baiThī haiñ

    kuchh kapās oTtī haiñ

    kuchh silā.ī ke kisī kaam meñ masrūf haiñ yuuñ

    jaise ye kaam hai dar-asl har ik shai asaas

    ek se ek chuhul kartī hai

    koī kahtī hai mirī chūḌiyāñ khankīñ to khankhārī mirī saas

    koī kahtī hai bharī chāñdnī aatī nahīñ raas

    raat baat sunātī hai koī hañs hañs kar

    baat baat sunātī hai koī hañs hañs kar

    lazzat-e-vasl hai āzār, koī kahtī hai

    maiñ to ban jaatī huuñ bīmār, koī kahtī hai

    maiñ bhī ghus aatā huuñ is shīsh-mahal meñ dekho

    sab hañsī rok ke kahtī haiñ nikālo is ko

    ik parinda kisī ik peḌ Tahnī pe chahaktā hai kahīñ

    ek gaatā huā yuuñ jaatā hai dhartī se falak jānib

    puurī quvvat se koī geñd uchhāle jaise

    ik phudaktā hai sar-e-shāḳh pe jis tarah koī

    āmad-e-fasl-e-bahārī ḳhushī meñ nāche

    gūñdnī bojh se apne jhukī paḌtī hai

    nāznīñ jaise hai koī ye bharī mahfil meñ

    aur kal haath hue haiñ piile

    koyaleñ kūktī haiñ

    jāmuneñ pakkī haiñ, aamoñ pe bahār aa.ī hai

    arġhanūñ bajtā hai yakjā.ī

    niim ke peḌoñ meñ jhūle haiñ jidhar dekho udhar

    sāvanī gaatī haiñ sab laḌkiyāñ āvāz milā kar har-sū

    aur is āvāz se guuñj uTThī hai bastī saarī

    maiñ kabhī ek kabhī dūsre jhūle ke qarīñ jaatā huuñ

    ek kam hai, vahī chehra nahīñ

    āḳhirash pūchh letā huuñ kisī se baḌh kar

    kyuuñ habība nahīñ aa.ī ab tak?

    khilkhilā paḌtī haiñ sab laḌkiyāñ sun kar ye naam

    lo ye sapne meñ haiñ, ik kahtī hai

    bāolī sapnā nahīñ, shahr se aa.e haiñ abhī

    dūsrī Toktī hai

    baat se baat nikal chaltī hai

    ThaaT aa.ī thī bārāt, chambelī ne kahā

    band-bājā bhī thaa, diipā bolī

    aur dulhan pe huā kitnā bikher

    kuchh na kuchh kahtī rahīñ sab magar maiñ ne sirf

    itnā pūchhā vo nadī bahtī hai ab bhii, ki nahīñ

    jis se vābasta haiñ ham aur ye bastī sārī?

    kyuuñ nahīñ bahtī, chambelī ne kahā

    aur vo bargad ghanā peḌ kināre us ke?

    vo bhī qaa.em hai abhī tak yūñhī

    va.ada kar ke jo 'habība' nahīñ aatī thī kabhī

    āñkheñ dhotā thā nadī meñ jākar

    aur bargad ghanī chhāñv meñ so jaatā thā

    maah o saal aate, chale jaate haiñ

    fasl pak jaatī hai, kaT jaatī hai

    koī rotā nahīñ is mauqe par

    halqa-dar-halqa na aahan ko tapā kar Dhāleñ

    koī zanjīr na ho!

    zīst-dar-zīst ye silsila baaqī na rahe!

    bhiiḌ hai bachchoñ chhoTī galī meñ dekho

    ek ne geñd jo pheñkī to lagī aa ke mujhe

    maiñ ne pakḌā use, dekhī huī sūrat thī

    kis hai maiñ ne kisī se pūchā?

    ye habība hai, ramzānī qasā.ī bolā

    bholī sūrat pe hañsī aa ga.ī us mujh ko

    vo bhī hañsne lagā, ham donoñ yūñhī hañste rahe!

    der tak hañste rahe!

    titliyāñ nāchtī haiñ

    phuul se phuul pe yuuñ jaatī haiñ

    jaise ik baat hai jo

    kaan meñ kahnī hai ḳhāmoshī se

    aur har phuul hañsā paḌtā hai sun kar ye baat!

    titliyan nachti hain

    phul se phul pe yun jati hain

    jaise ek baat hai jo

    kan mein kahni hai KHamoshi se

    aur har phul hansa paDta hai sun kar ye baat

    dhup mein tezi nahin

    aise aata hai har ek jhonka hawa ka jaise

    dast-e-shafqat hai baDi umr ki mahbuba ka

    aur mere shanon ko is tarah hila jata hai

    jaise main nind mein hun

    aurten charKHe liye baiThi hain

    kuchh kapas oTti hain

    kuchh silai ke kisi kaam mein masruf hain yun

    jaise ye kaam hai dar-asl har ek shai ki asas

    ek se ek chuhul karti hai

    koi kahti hai meri chuDiyan khankin to khankhaari meri sas

    koi kahti hai bhari chandni aati nahin ras

    raat ki baat sunati hai koi hans hans kar

    baat ki baat sunati hai koi hans hans kar

    lazzat-e-wasl hai aazar, koi kahti hai

    main to ban jati hun bimar, koi kahti hai

    main bhi ghus aata hun is shish-mahal mein dekho

    sab hansi rok ke kahti hain nikalo is ko

    ek parinda kisi ek peD ki Tahni pe chahakta hai kahin

    ek gata hua yun jata hai dharti se falak ki jaanib

    puri quwwat se koi gend uchhaale jaise

    ek phudakta hai sar-e-shaKH pe jis tarah koi

    aamad-e-fasl-e-bahaari ki KHushi mein nache

    gundni bojh se apne hi jhuki paDti hai

    naznin jaise hai koi ye bhari mahfil mein

    aur kal hath hue hain pile

    koyalen kukti hain

    jamunen pakki hain, aamon pe bahaar aai hai

    arghanun bajta hai yakjai ka

    nim ke peDon mein jhule hain jidhar dekho udhar

    sawani gati hain sab laDkiyan aawaz mila kar har-su

    aur is aawaz se gunj uTThi hai basti sari

    main kabhi ek kabhi dusre jhule ke qarin jata hun

    ek hi kam hai, wahi chehra nahin

    aaKHirash puchh hi leta hun kisi se baDh kar

    kyun habiba nahin aai ab tak?

    khilkhila paDti hain sab laDkiyan sun kar ye nam

    lo ye sapne mein hain, ek kahti hai

    baoli sapna nahin, shahr se aae hain abhi

    dusri Tokti hai

    baat se baat nikal chalti hai

    ThaT ki aai thi baraat, chambeli ne kaha

    band-baja bhi tha, dipa boli

    aur dulhan pe hua kitna bikher

    kuchh na kuchh kahti rahin sab hi magar main ne sirf

    itna puchha wo nadi bahti hai ab bhi, ki nahin

    jis se wabasta hain hum aur ye basti sari?

    kyun nahin bahti, chambeli ne kaha

    aur wo bargad ka ghana peD kinare us ke?

    wo bhi qaem hai abhi tak yunhi

    wada kar ke jo 'habiba' nahin aati thi kabhi

    aankhen dhota tha nadi mein jakar

    aur bargad ki ghani chhanw mein so jata tha

    mah o sal aate, chale jate hain

    fasl pak jati hai, kaT jati hai

    koi rota nahin is mauqe par

    halqa-dar-halqa na aahan ko tapa kar Dhaalen

    koi zanjir na ho!

    zist-dar-zist ka ye silsila baqi na rahe!

    bhiD hai bachchon ki chhoTi si gali mein dekho

    ek ne gend jo phenki to lagi aa ke mujhe

    main ne ja pakDa use, dekhi hui surat thi

    kis ka hai main ne kisi se pucha?

    ye habiba ka hai, ramzani qasai bola

    bholi surat pe hansi aa gai us ki mujh ko

    wo bhi hansne laga, hum donon yunhi hanste rahe!

    der tak hanste rahe!

    titliyan nachti hain

    phul se phul pe yun jati hain

    jaise ek baat hai jo

    kan mein kahni hai KHamoshi se

    aur har phul hansa paDta hai sun kar ye baat!

    RECITATIONS

    Akhtar-ul-Iman

    Akhtar-ul-Iman

    Akhtar-ul-Iman

    baz-amad --- ek muntaj Akhtar-ul-Iman

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites