aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bazi jin ke hath rahi

Nasreen Anjum Bhatti

bazi jin ke hath rahi

Nasreen Anjum Bhatti

MORE BYNasreen Anjum Bhatti

    Interesting Fact

    On massive earthquake that struck Pakistan in 2005

    jitnī der meñ tum ek aahaT se utarte ho

    aur saver se apnī palkeñ ikaTThī karte ho

    utnī der meñ ek nazm ban chukī hotī hai

    nazm jis āñkhoñ se lobān ḳhushbū aur palkoñ

    se nam Tapaktā ho

    aur vo apnī pahchān ke liye ḳhud apnā vasīla bane

    lekin agar is ke ba.ad ke vasīle zyāda mo'tabar Thahreñ

    to hairateñ afsos aur pachhtāve radd-e-duā

    jab mohabbateñ insān se kam-tar havāloñ muhtāj ho jaa.eñ

    to vo sīḌhiyāñ utar jaatī haiñ āsmān nahīñ rahtīñ

    zamīn havāla mohabbat hai

    aur vo jānvar zyāda achchhī tarah nibhā sakte haiñ

    bahut qadīm se kiyā kavvoñ ne nahīñ batāyā ki apnā jurm

    aur apnī āḳhirat ko miTTī se pardā-posh karo

    aur kyā kutte e'tibār āḳhirī had nahīñ haiñ

    jo kahte haiñ mere mahbūb so jaa! maiñ huuñ

    maiñ huuñ naa!

    zalzaloñ ḳhabar dene ke liye

    maiñ terī musībat-zada nasl ko kahīñ se bhī DhūñD lā.ūñgā

    agar terī mohabbat nishāniyāñ un ke hāthoñ uñgliyoñ meñ na bhī mileñ

    vo tujhe zarūr mil jā.eñge

    un ke haath aur baazū tere bhā.ī-bandoñ ne kaaT liye

    lekin maiñ apne muñh nivālā unheñ de kar lauTūñgā

    maiñ musībat ke sab dinoñ meñ tere saath huuñ

    maiñ sag-e-dar huuñ mirī tujh se sagā.ī hai!

    jitni der mein tum ek aahaT se utarte ho

    aur sawer se apni palken ikaTThi karte ho

    utni der mein ek nazm ban chuki hoti hai

    nazm jis ki aankhon se loban ki KHushbu aur palkon

    se nam Tapakta ho

    aur wo apni pahchan ke liye KHud apna wasila bane

    lekin agar is ke baad ke wasile zyaada mo'tabar Thahren

    to hairaten afsos aur pachhtawe radd-e-dua

    jab mohabbaten insan se kam-tar hawalon ki muhtaj ho jaen

    to wo siDhiyan utar jati hain aasman nahin rahtin

    zamin ka hawala mohabbat hai

    aur wo jaanwar zyaada achchhi tarah nibha sakte hain

    bahut qadim se kiya kawwon ne nahin bataya ki apna jurm

    aur apni aaKHirat ko miTTi se parda-posh karo

    aur kya kutte e'tibar ki aaKHiri had nahin hain

    jo kahte hain mere mahbub so ja! main hun na

    main hun na!

    zalzalon ki KHabar dene ke liye

    main teri musibat-zada nasl ko kahin se bhi DhunD launga

    agar teri mohabbat ki nishaniyan un ke hathon ki ungliyon mein na bhi milen

    wo tujhe zarur mil jaenge

    un ke hath aur bazu tere bhai-bandon ne kaT liye

    lekin main apne munh ka niwala unhen de kar hi lauTunga

    main musibat ke sab dinon mein tere sath hun

    main sag-e-dar hun meri tujh se sagai hai!

    Source:

    Quarterly TASTEER Lahore (Pg. 540)

    • Author: Naseer Ahmed Nasir
      • Edition: Volume:15, Issue No. 1, 2, Jan To June.2011
      • Publisher: H.No.-21, Street No. 2, Phase II, Bahriya Town, Rawalpindi
      • Year of Publication: Volume:15, Issue No. 1, 2, Jan To June.2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now