aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

سچ کہو

MORE BYاسماعیل میرٹھی

    سچ کہو سچ کہو ہمیشہ سچ

    ہے بھلے مانسوں کا پیشہ سچ

    سچ کہو گے تو تم رہوگے عزیز

    سچ تو یہ ہے کہ سچ ہے اچھی چیز

    سچ کہو گے تو تم رہوگے شاد

    فکر سے پاک رنج سے آزاد

    سچ کہو گے تم رہوگے دلیر

    جیسے ڈرتا نہیں دلاور شیر

    سچ سے رہتی ہے تقویت دل کو

    سہل کرتا ہے سخت مشکل کو

    سچ ہے سارے معاملوں کی جان

    سچ سے رہتا ہے دل کو اطمینان

    سچ میں راحت ہے اور آسانی

    سچ سے ہوتی نہیں پشیمانی

    سچ ہے دنیا میں نیکیوں کی جڑ

    سچ نہ ہو تو جہان جائے اجڑ

    سچ کہو گے تو دل رہے گا صاف

    سچ کرا دے گا سب قصور معاف

    سچ سے زنہار در گزر نہ کرو

    دل میں کچھ خوف اور خطر نہ کرو

    جس کو سچ بولنے کی عادت ہے

    وہ بڑا نیک با سعادت ہے

    وہی دانا ہے جو کہ ہے سچا

    اس میں بڈھا ہو یا کوئی سچا

    ہے برا جھوٹ بولنے والا

    آپ کرتا ہے اپنا منہ کالا

    فائدہ اس کو کچھ نہ دے گا جھوٹ

    جائے گا ایک روز بھانڈا پھوٹ

    جھوٹ کی بھول کر نہ ڈالو خو

    جھوٹ ذلت کی بات ہے آخ تھو

    مأخذ:

    kachhua aur khargosh (Pg. 9)

    • مصنف: M.K.Pasha
      • اشاعت: 2013
      • ناشر: Educational publishing house
      • سن اشاعت: 2013

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے