bahut mumkin hai

bahut mumkin hai maiñ shā.ir na hotī

to ban kar maiñ mujāvar

kisī dargāh par jhāḌū lagātī

yā ban ke maiñ koī majzūb hastī

havāoñ meñ kahīñ raste banātī

ye duniyā phir bhī mere gird

ik majma.a lagātī

kabhī hañstī

kabhī Thokar lagātī

maiñ apnī raal se likhtī fasāne

badalte ye sabhī manzar

agar putlī maiñ āñkhoñ kī ghumātī

tū pīchhe bhaag duniyā ke

ye tujh se duur jaa.e

tū Thokar de use jis din

tere pīchhe ye aa.e

agar tū paas duniyā ke to

rab se duur hogā

agar ho paas rab ke to

ye qadmoñ meñ samā.e

bahut mumkin hai main shair na hoti

to ban kar main mujawar

kisi dargah par jhaDu lagati

ya ban ke main koi majzub hasti

hawaon mein kahin raste banati

ye duniya phir bhi mere gird

ek majma lagati

kabhi hansti

kabhi Thokar lagati

main apni ral se likhti fasane

badalte ye sabhi manzar

agar putli main aankhon ki ghumati

tu pichhe bhag duniya ke

ye tujh se dur jae

tu Thokar de use jis din

tere pichhe ye aae

agar tu pas duniya ke to

rab se dur hoga

agar ho pas rab ke to

ye qadmon mein samae