barsat

bañdh ga.ī hai rahmat-e-haq se havā barsāt kī

naam khulne kā nahīñ letī ghaTā barsāt kī

ug rahā hai har taraf sabza dar-o-dīvār par

intihā garmī kī hai aur ibtidā barsāt kī

dekhnā sūkhī huī shāḳhoñ meñ bhī jaan aa ga.ī

haq meñ paudoñ ke masīhā hai havā barsāt kī

ḳhud-baḳhud taaza umangeñ josh par aane lagīñ

dil ko garmāne lagī ThanDī havā barsāt kī

vo duā.eñ mai-kashoñ kī aur vo lutf-e-intizār

haa.e kin nāzoñ se chaltī hai havā barastā kī

maiñ ye samjhā abr ke rangīn TukḌe dekh kar

taḳht pariyoñ ke uḌā laa.ī havā barsāt kī

naaz ho jis ko bahār-e-misr-o-shām-o-rūm par

sar-zamīn-e-hind meñ dekhe fazā barsāt kī

bandh gai hai rahmat-e-haq se hawa barsat ki

nam khulne ka nahin leti ghaTa barsat ki

ug raha hai har taraf sabza dar-o-diwar par

intiha garmi ki hai aur ibtida barsat ki

dekhna sukhi hui shaKHon mein bhi jaan aa gai

haq mein paudon ke masiha hai hawa barsat ki

KHud-baKHud taza umangen josh par aane lagin

dil ko garmane lagi ThanDi hawa barsat ki

wo duaen mai-kashon ki aur wo lutf-e-intizar

hae kin nazon se chalti hai hawa barasta ki

main ye samjha abr ke rangin TukDe dekh kar

taKHt pariyon ke uDa lai hawa barsat ki

naz ho jis ko bahaar-e-misr-o-sham-o-rum par

sar-zamin-e-hind mein dekhe faza barsat ki