Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

basant aur holi ki bahaar

Ufuq Lakhnavi

basant aur holi ki bahaar

Ufuq Lakhnavi

MORE BYUfuq Lakhnavi

    saaqī kuchh aaj tujh ko ḳhabar hai basant

    har bahār pesh-e-nazar hai basant

    sarsoñ jo phuul uTThī hai chashm-e-qayās meñ

    phūle-phale shāmil haiñ basantī libās meñ

    patte jo zard zard haiñ sone ke paat haiñ

    sadbarg se talā.ī kiran phuul maat haiñ

    haiñ chūḌiyoñ joḌ basantī kalā.ī meñ

    ban ke bahār aa.ī hai dast-e-hinā.ī meñ

    mastī bhare diloñ umañgeñ na pūchhiye

    kyā mantiqeñ haiñ kyā haiñ tarañgeñ na pūchhiye

    māthe pe husn-ḳhez hai jalva gulāl

    biñdī se auj par hai sitāra jamāl

    geñdoñ se mā.il-e-gul-e-bāzī hasīn haiñ

    sar ke ubhār par se dupaTTe mahīn haiñ

    aks-e-naqāb zīnat-e-ruḳhsār ho gayā

    zevar jo siim thā talā-kār ho gayā

    sarsoñ ke lahlahāte haiñ khet is bahār meñ

    nargis ke phuul phuul uThe lāla-zār meñ

    āvāz hai papīhoñ mastī bharī huī

    tuutī ke bol sun ke tabī.at harī huī

    koyal ke joḌe karte haiñ chuhleñ surūr se

    aate haiñ taan uḌāte hue duur duur se

    baur aam ke haiñ yuuñ chaman-e-kā.enāt meñ

    motī ke jaise guchchhe hoñ zar-kār paat meñ

    bheroñ guuñj mast hai har kisht-zār meñ

    bansī bajāte kishn hai goyā bahār meñ

    kesar kusūm ḳhuub dil-afzā bahār hai

    geñdoñ har chaman meñ do-rūya qatār hai

    ik aag lagā.ī hai Tesū ne phuul ke

    kyā zard zard phuul khile haiñ babūl ke

    hai isT devtāo ke mandir saje hue

    haiñ zard zard phūloñ se kul dar saje hue

    bas dev-jī ke laal jhāñkī ajiib hai

    ānand be-hisāb diloñ ko nasīb hai

    bansī jaḌāv sone lab se milī huī

    dil kalī kalī hai nazar meñ khilī huī

    pītāmbar nafīs kamar meñ kasā huā

    ḳhushbū se haar phuul mandir basā huā

    shānoñ pe bal paḌe hue zulf-e-siyāh ke

    rādhā se baar baar ishāre nigāh ke

    bāñkī adā.eñ dekh ke dil loT-poT hai

    rutkām istirī ke kaleje pe choT hai

    kānoñ meñ kunloñ chamak hai jaḌāv se

    rādhā lajā.ī jaatī hai chanchal subhāv se

    pyārī haath apnī baġhal meñ liye hue

    āñkheñ sharāb-e-husn-e-javānī piye hue

    dil rādhikā bāda-e-ulfat se chuur hai

    kuhnī se Thelne adā zuhūr hai

    chupkī khaḌī hai kishn ke ruḳh par nigāh hai

    hai pahlū-e-jigar meñ jagah dil meñ raah hai

    ulfat bharī jo bansī jānib nazar ga.ī

    goyā basant raag dhun mast kar ga.ī

    is chhab pe is siñgār pe dil se nisār 'ufuq'

    qurbān ek baar nahīñ laakh baar 'ufuq'

    ai kishn nāzirīñ ko mubārak basant ho

    khelā jo apne vo abad tak basant ho

    saqi kuchh aaj tujh ko KHabar hai basant ki

    har su bahaar pesh-e-nazar hai basant ki

    sarson jo phul uTThi hai chashm-e-qayas mein

    phule-phale shamil hain basanti libas mein

    patte jo zard zard hain sone ke pat hain

    sadbarg se talai kiran phul mat hain

    hain chuDiyon ki joD basanti kalai mein

    ban ke bahaar aai hai dast-e-hinai mein

    masti bhare dilon ki umangen na puchhiye

    kya mantiqen hain kya hain tarangen na puchhiye

    mathe pe husn-KHez hai jalwa gulal ka

    bindi se auj par hai sitara jamal ka

    gendon se mail-e-gul-e-bazi hasin hain

    sar ke ubhaar par se dupaTTe mahin hain

    aks-e-naqab zinat-e-ruKHsar ho gaya

    zewar jo sim ka tha tala-kar ho gaya

    sarson ke lahlahate hain khet is bahaar mein

    nargis ke phul phul uThe lala-zar mein

    aawaz hai papihon ki masti bhari hui

    tuti ke bol sun ke tabiat hari hui

    koyal ke joDe karte hain chuhlen surur se

    aate hain tan uDate hue dur dur se

    baur aam ke hain yun chaman-e-kaenat mein

    moti ke jaise guchchhe hon zar-kar pat mein

    bheron ki gunj mast hai har kisht-zar mein

    bansi bajate kishn hai goya bahaar mein

    kesar kusum ki KHub dil-afza bahaar hai

    gendon ki har chaman mein do-ruya qatar hai

    ek aag si lagai hai Tesu ne phul ke

    kya zard zard phul khile hain babul ke

    hai isT dewtao ke mandir saje hue

    hain zard zard phulon se kul dar saje hue

    bas dew-ji ke lal ki jhanki ajib hai

    aanand be-hisab dilon ko nasib hai

    bansi jaDaw sone ki lab se mili hui

    dil ki kali kali hai nazar mein khili hui

    pitambar nafis kamar mein kasa hua

    KHushbu se haar phul ki mandir basa hua

    shanon pe bal paDe hue zulf-e-siyah ke

    radha se bar bar ishaare nigah ke

    banki adaen dekh ke dil loT-poT hai

    rutkaam istiri ke kaleje pe choT hai

    kanon mein kunlon ki chamak hai jaDaw se

    radha lajai jati hai chanchal subhaw se

    pyari ka hath apni baghal mein liye hue

    aankhen sharab-e-husn-e-jawani piye hue

    dil radhika ka baada-e-ulfat se chur hai

    kuhni se Thelne ki ada ka zuhur hai

    chupki khaDi hai kishn ke ruKH par nigah hai

    hai pahlu-e-jigar mein jagah dil mein rah hai

    ulfat bhari jo bansi ki jaanib nazar gai

    goya basant ki rag ki dhun mast kar gai

    is chhab pe is singar pe dil se nisar 'ufuq'

    qurban ek bar nahin lakh bar 'ufuq'

    ai kishn nazirin ko mubarak basant ho

    khela jo apne wo abad tak basant ho

    Source :
    • Book : Hindustan Hamara-1 (Pg. 256)
    • Author : Jan Nisar Akhtar
    • Publication : B.K. Offset Navin Shahdara Delhi-110032 (2010)
    • Edition : 2010

    Tagged Under

    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now