aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

بے یقین بستیاں

علی اکبر ناطق

بے یقین بستیاں

علی اکبر ناطق

MORE BYعلی اکبر ناطق

    وہ اک مسافر تھا جا چکا ہے

    بتا گیا تھا کہ بے یقینوں کی بستیوں میں کبھی نہ رہنا

    کبھی نہ رہنا کہ ان پہ اتنے عذاب اتریں گے جن کی گنتی عدد سے باہر

    وہ اپنے مردے تمہارے کاندھوں پہ رکھ کے تم کو جدا کریں گے

    تم ان جنازوں کو قریہ قریہ لیے پھروگے

    فلک بھی جن سے نا آشنا ہے جنہیں زمینیں بھی رد کریں گی

    وہ کہہ گیا تھا ہمیشہ ذلت سے دور رہنا

    کہ بد نصیبوں کا رزق اول انہیں زمینوں سے پیدا ہوتا ہے

    جن زمینوں پہ بھوری گدھوں کی نوچی ہڈی کے ریزے بکھریں

    تم اپنی رائے کو استقامت کی آب دینا

    جسے پہاڑوں کی خشک سنگیں بلندیوں سے خراج بھیجیں

    غلام ذہنوں پہ ایسی لعنت کی رسم رکھنا

    جو تیری نسلوں پھر ان کی نسلوں پھر ان کی نسلوں تلک بھی جائے

    تمہیں خبر ہو شریف لوگوں کی اونچی گردن لچک سے ایسے ہی بے خبر ہے

    سواد غربت میں خیمہ گاہوں کی جیسے گاڑی ہوں خشک چوبیں

    کبھی نہ شانے جھکا کے چلنا

    کہ پست قامت تمہارے قدموں سے اپنے قدموں کو جوڑ دیں گے

    وہی نحوست تمہیں خرابوں کی پاسبانی عطا کرے گی

    سراب آنکھوں کے راستوں سے تمہارے گردوں میں ریت پھینکیں گے اور سینے کو کاٹ دیں گے

    وہ کہہ گیا تھا یہی وہ علت کے مارے وحشی ہیں جن کی اپنی زباں نہیں ہے

    یہ جھاگ اڑاتے ہیں اپنے جبڑوں سے لجلجے کا تو گڑگڑاہٹ کا شور اٹھتا ہے

    اور بدبو بکھیرتا ہے

    یہی وہ بد بخت بے ہنر اور بے یقیں ہیں کہ جن کی دیت نہ خوں بہا ہے

    سو ان کی قربت سے دور رہنا نجات دل کا سبب بنے گا

    وہ اک مسافر تھا کہہ گیا ہے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے