aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bich bhanwar se lauT aaunga

Shariq Kaifi

bich bhanwar se lauT aaunga

Shariq Kaifi

MORE BYShariq Kaifi

    pāgal samjhā hai kyā mujh ko

    Duub marūñ maiñ

    aur sab is manzar se apnā dil bahlā.eñ

    bachchoñ ko kāñdhoñ par le kar

    uchak uchak kar mujh ko dekheñ

    hañsī uḌā.eñ

    laakh mirī apnī vaj.heñ hoñ jaañ dene

    lekin phir bhī

    dil meñ mere bhī hai vo be-ma.anī ḳhvāhish

    jaate jaate sab āñkheñ nam karne

    merī samajh se

    itnā haq to hai

    jaañ dene vaale duniyā vāloñ par

    shirkat kar leñ

    vo is pal meñ thoḌā sanjīda ho kar

    jaañ dene aayā huuñ lekin

    ye batlā duuñ

    jaan laḌā dūñgā maiñ jaan bachāne meñ gar

    ek tamāshā dekhne vaale ko bhī hañstā dekhā ḳhud par

    lauT ā.ūñgā

    keh detā huuñ

    aisā kuchh bhī agar huā to

    biich bhañvar se lauT ā.ūñgā

    pagal samjha hai kya mujh ko

    Dub marun main

    aur sab is manzar se apna dil bahlaen

    bachchon ko kandhon par le kar

    uchak uchak kar mujh ko dekhen

    hansi uDaen

    lakh meri apni wajhen hon jaan dene ki

    lekin phir bhi

    dil mein mere bhi hai wo be-mani KHwahish

    jate jate sab ki aankhen nam karne ki

    meri samajh se

    itna haq to hai

    jaan dene wale ka duniya walon par

    shirkat kar len

    wo is pal mein thoDa sa sanjida ho kar

    jaan dene aaya hun lekin

    ye batla dun

    jaan laDa dunga main jaan bachane mein gar

    ek tamasha dekhne wale ko bhi hansta dekha KHud par

    lauT aaunga

    keh deta hun

    aisa kuchh bhi agar hua to

    bich bhanwar se lauT aaunga

    Source:

    Khidki To Main Ne Khol Hi Li (Pg. 146)

    • Author: Shariq Kaifi
      • Edition: 2nd
      • Publisher: Rekhta Publications
      • Year of Publication: 2018
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now