chaT wala

pakvān kyā maze ke laatā hai chaaT vaalā

le kar baḌā sā thailā aatā hai chaaT vaalā

bamba.ī kī bhail-pūrī ujjain kī kachaurī

khā kar inheñ huī hai har ik zabāñ chaTorī

ragḌā masāla bachcho jis shaḳhs ne na khāyā

samjho ki zindagī kā us ne maza na paayā

Tikyāñ ye ālūoñ kī is par maze ke chhole

lazzat jo un kī paa.e gūñgā zabān khole

dekho dahī-baḌā to aatā hai muñh meñ paanī

aksar to naam un kā laatā hai muñh meñ paanī

yuuñ surḳh se tule haiñ ye papḌiyāñ samose

jo ik nazar bhī dekhe khāne kī baat soche

garmā-garam pakauḌe chaTnī phir imliyoñ kī

aalū baḌe maze ke mircheñ bhī tez tīkhī

khānā zarūr bachcho āḳhir meñ paanī puurī

is ko agar na khaao phir chaaT hai adhūrī

likhī 'niyāz' ne bhī ye nazm chaaT khā kar

tum bhī sunāo bachcho sab ko ye nazm gā kar

pakwan kya maze ke lata hai chaT wala

le kar baDa sa thaila aata hai chaT wala

bambai ki bhail-puri ujjain ki kachauri

kha kar inhen hui hai har ek zaban chaTori

ragDa masala bachcho jis shaKHs ne na khaya

samjho ki zindagi ka us ne maza na paya

Tikyan ye aaluon ki is par maze ke chhole

lazzat jo un ki pae gunga zaban khole

dekho dahi-baDa to aata hai munh mein pani

aksar to nam un ka lata hai munh mein pani

yun surKH se tule hain ye papDiyan samose

jo ek nazar bhi dekhe khane ki baat soche

garma-garam pakauDe chaTni phir imliyon ki

aalu baDe maze ke mirchen bhi tez tikhi

khana zarur bachcho aaKHir mein pani puri

is ko agar na khao phir chaT hai adhuri

likhi 'niyaz' ne bhi ye nazm chaT kha kar

tum bhi sunao bachcho sab ko ye nazm ga kar