aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chashm-e-be-KHwab ko saman bahut

Amjad Islam Amjad

chashm-e-be-KHwab ko saman bahut

Amjad Islam Amjad

MORE BYAmjad Islam Amjad

    chashm-e-be-ḳhvāb ko sāmān bahut!

    rāt-bhar shahr galiyoñ meñ havā

    haath meñ sañg liye

    ḳhauf se zard makānoñ ke dhaḌakte dil par

    dastakeñ detī chalī jaatī hai

    raushnī band kivāḌoñ se nikalte hue ghabrātī hai

    har taraf chīḳh chakrātī hai

    haiñ mire dil ke liye dard ke unvān bahut

    dard naam samā.at ke liye rāhat-e-jāñ

    dast-e-be-māya ko zar

    nutq-e-ḳhāmosh ko lafz

    ḳhvāb-e-be-dar ko makāñ

    dard naam mire shahr-e-ḳhvāhish nishāñ

    manzil-e-reg-e-ravāñ

    dard raah pe taskīn ke imkān bahut!

    hijr dard kaThin hai phir bhī

    vo bhī us roz bichhaḌ kar mujh se

    ḳhush to na thī

    us ne ye manzil-e-ġham

    kis tarah kaaTī hogī

    vo bhī to merī tarah hogī pareshān bahut

    (dard raah meñ taskīn ke sāmān bahut)

    kyā ḳhabar us samā.at ke liye

    dard naam bhalā ho ki na ho

    shahr-e-ḳhvāhish nishāñ

    nutq-e-ḳhāmosh iz.hār huā ho ki na ho

    dast-e-be-māya zar (vo tahī-dast na thii)

    hijr dard banā ho ki na ho

    us galiyoñ meñ ravāñ dastakeñ detī huī surḳh havā ho ki na ho

    ishq-e-nau-ḳhez ke armān bahut

    shauq-e-gul-rañg ke raste meñ bayābān bahut

    soḳhta-jān bahut

    chashm-e-be-ḳhvāb ko sāmān bahut

    chashm-e-be-KHwab ko saman bahut!

    raat-bhar shahr ki galiyon mein hawa

    hath mein sang liye

    KHauf se zard makanon ke dhaDakte dil par

    dastaken deti chali jati hai

    raushni band kiwaDon se nikalte hue ghabraati hai

    har taraf chiKH si chakraati hai

    hain mere dil ke liye dard ke unwan bahut

    dard ka nam samaat ke liye rahat-e-jaan

    dast-e-be-maya ko zar

    nutq-e-KHamosh ko lafz

    KHwab-e-be-dar ko makan

    dard ka nam mere shahr-e-KHwahish ka nishan

    manzil-e-reg-e-rawan

    dard ki rah pe taskin ke imkan bahut!

    hijr ka dard kaThin hai phir bhi

    wo bhi us roz bichhaD kar mujh se

    KHush to na thi

    us ne ye manzil-e-gham

    kis tarah kaTi hogi

    wo bhi to meri tarah hogi pareshan bahut

    (dard ki rah mein taskin ke saman bahut)

    kya KHabar us ki samaat ke liye

    dard ka nam bhala ho ki na ho

    shahr-e-KHwahish ka nishan

    nutq-e-KHamosh ka izhaar hua ho ki na ho

    dast-e-be-maya ka zar (wo tahi-dast na thi)

    hijr ka dard bana ho ki na ho

    us ki galiyon mein rawan dastaken deti hui surKH hawa ho ki na ho

    ishq-e-nau-KHez ke arman bahut

    shauq-e-gul-rang ke raste mein bayaban bahut

    soKHta-jaan bahut

    chashm-e-be-KHwab ko saman bahut

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now