aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chiDiyon ki shikayat

Akhtar Shirani

chiDiyon ki shikayat

Akhtar Shirani

MORE BYAkhtar Shirani

    chiḌiyoñ ne be-tarah satāyā hai

    mere kamre ko ghar banāyā hai

    chhat pe un ko jahāñ milī hai jagah

    ik na ik ghoñsla banāyā hai

    ain mere palañg ke uupar

    hai jo hissa vo un ko bhāyā hai

    taar bijlī hai jo chhat pe lagā

    vo to mīrās meñ paayā hai

    koī khūñTī ho taaq ho dar ho

    un jāgīr meñ vo aayā hai

    sar pe bīToñ meñh barastā hai

    be-Dhab aisā ye abr chhāyā hai

    takiya par mez par kitāboñ par

    mohr nishāñ banāyā hai

    hissa mujh ko bhī kuchh milā hai zarūr

    jab chiḌā tinke le kar aayā hai

    un chuuñ chuuñ raag sun kar dil

    gaanā sunñe se tañg aayā hai

    sab ke sar par ḳhudā hai saaya

    mujh pe un ke paroñ saaya hai

    is qadar biiT kartī haiñ kam-baḳht

    naak meñ dam har ek aayā hai

    sub.h se laḌ rahī haiñ aapas meñ

    sar pe saarā makān uThāyā hai

    paḌh nahīñ saktā likh nahīñ saktā

    is qadar shor-o-ġhul machāyā hai

    aisā mālūm hotā hai goyā

    merā kamra nahīñ parāyā hai

    chiDiyon ne be-tarah sataya hai

    mere kamre ko ghar banaya hai

    chhat pe un ko jahan mili hai jagah

    ek na ek ghonsla banaya hai

    ain mere palang ke upar

    hai jo hissa wo un ko bhaya hai

    tar bijli ka hai jo chhat pe laga

    wo to miras hi mein paya hai

    koi khunTi ho taq ho dar ho

    un ki jagir mein wo aaya hai

    sar pe biTon ka meinh barasta hai

    be-Dhab aisa ye abr chhaya hai

    takiya par mez par kitabon par

    mohr ka sa nishan banaya hai

    hissa mujh ko bhi kuchh mila hai zarur

    jab chiDa tinke le kar aaya hai

    un ki chun chun ka rag sun kar dil

    gana sunne se tang aaya hai

    sab ke sar par KHuda ka hai saya

    mujh pe un ke paron ka saya hai

    is qadar biT karti hain kam-baKHt

    nak mein dam har ek ka aaya hai

    subh se laD rahi hain aapas mein

    sar pe sara makan uThaya hai

    paDh nahin sakta likh nahin sakta

    is qadar shor-o-ghul machaya hai

    aisa malum hota hai goya

    mera kamra nahin paraya hai

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now