aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dagh

MORE BYMaikash Akbarabadi

    Interesting Fact

    This Nazm was written when Sir Iqbal was alive.

    hai ab tak sehr chhāyā tirī jādū-navā.ī

    dil-e-urdu pe ab tak daaġh hai terī judā.ī

    zabān-e-sher se ab bhī tirī āvāz suntā huuñ

    jo niklā thā tirī mizrāb se vo saaz suntā huuñ

    taġhazzul ko tirī rañgīñ navā.eñ yaad haiñ ab tak

    tire naġhmoñ se dil bastiyāñ ābād haiñ ab tak

    diloñ ko ab bhī chamkātī hai sham-e-ārzū terī

    lab-e-tahrīr par ab tak hai shīrīñ guftugū terī

    tire jazbāt meñ ab tak sadāqat jagmagātī hai

    tirī guftār shoḳhī diloñ ko gudgudātī hai

    niyāz-o-nāz mahfil meñ terā naam rahtā hai

    tire mastoñ ke aage ab bhī terā jaam rahtā hai

    tirī rañgīniyoñ meñ sādgī shaan hotī hai

    tire afkār duniyā bhī sheristān hotī thī

    tire naġhme sukūñ-parvar the arbāb-e-mohabbat ke

    sadā be-dāġh dekhā hai tire dāmān-e-fitrat

    chhalaktī thiiñ tire dil adā.eñ bhī nigāhoñ se

    balā dard hotā thā tirī ḳhāmosh aahoñ meñ

    banda thā mohabbat mohabbat thī tire dil meñ

    samundar maujzan rahtā thā is chhoTe se sāhil meñ

    tire lab par vahī aatā thā jo har dil meñ hotā thā

    vo ban jaatā thā shā.ir jo tirī mahfil meñ hotā thā

    fasīh-ul-mulk thā jān-e-fasāhat terī bāteñ thiiñ

    qayāmat jis pe dam de vo qayāmat terī bāteñ thiiñ

    tirī guftār meñ ham ne mazāq-e-zindagī dekhā

    tire sāzoñ meñ dil ke soz mafhūm thā goyā

    tirī hastī ko rāz-e-do-jahāñ ma.alūm thā goyā

    farishtoñ taqaddus thā tire husn-e-takallum meñ

    tire aañsū meñ soz-e-dil thā sho.ala thā shabnam meñ

    zabāñ ko hūr-o-ġhilmāñ ne tirī kausar se dhoyā thā

    ḳhudā ne bahr-e-ulfat meñ tirī ulfat ko khoyā thā

    anādil bhī baḌhe terī taraf dāman ko phailā.e

    mohabbat zabāñ se ne jis dam phuul barsā.e

    fazā ko kar diyā rañgīn apnī naġhma-ḳhvānī se

    guloñ meñ phūñk rūh-e-tabassum gul-fishānī se

    tire naġhme bahe jab nik.hat-e-gul ke safīne meñ

    to laale ne biThāyā ke tujh ko apne siine meñ

    har ik dard-āshnā dil meñ rakhā tujh ko mohabbat ne

    biThāyā chāñd ke māthe pe tujh ko dast-e-qudrat ne

    zamīn-e-sher ne paayā thā auj-e-āsmāñ tujh se

    zabāñ lutf thā ai bulbul-e-hindustāñ tujh se

    payambar thā suḳhan to tire naġhmoñ pe jūmeñge

    ham apne dīda-e-dil se tirī turbat ko chūmeñge

    raheñge hashr tak baaqī tire naġhme nahīñ faanī

    bajā hai tujh ko kahte haiñ jo ham tilmīz-e-rahmānī

    tire jazbāt ke pur-kaif sailāboñ meñ bahte haiñ

    haqīqat-āshnā tujh ko jahāñ-ustād kahte haiñ

    jahān-e-ārzū meñ ab bhī hāl-o-qāl terā hai

    suḳhan mumlikat meñ aaj tak iqbāl terā hai

    suḳhan-fahmoñ ke dil meñ ab bhī terī yaad baaqī hai

    ġhazal ke mai-kada jab tak hai qaa.em saaqī hai

    dakan meñ zauq thā zauq-e-suḳhan mahbūb thā tujh ko

    hameñ ma.alūm hai mulk-e-dakan mahbūb thā tujh ko

    dakan ko aane vaale bas gayā mulk-e-dakan meñ

    ki bulbul thā banāyā āshiyāñ apnā chaman meñ

    qayāmat tak na bhūleñge tujhe tere vatan vaale

    kahīñ bulbul ke naġhme bhuul jaate haiñ chaman vaale

    dil-e-betāb ke barbat pe naġhma dard gaayā

    taġhazzul se hamārī mahfiloñ ko ne garmāyā

    tire ehsān ke gun gā.egā josh-e-vafā-koshī

    dakan vāloñ fitrat meñ nahīñ ehsāñ-frāmoshī

    kaleja thaam kar apnā tire ash.ār gā.eñge

    dakan vādiyoñ meñ ham tire naġhme basā.eñge

    aqīdat-āfrīñ gul terī turbat par chaḌhā.eñge

    tire har sher ko ham apnī āñkhoñ se lagā.eñge

    hai ab tak sehr sa chhaya teri jadu-nawai ka

    dil-e-urdu pe ab tak dagh hai teri judai ka

    zaban-e-sher se ab bhi teri aawaz sunta hun

    jo nikla tha teri mizrab se wo saz sunta hun

    taghazzul ko teri rangin nawaen yaad hain ab tak

    tere naghmon se dil ki bastiyan aabaad hain ab tak

    dilon ko ab bhi chamkati hai sham-e-arzu teri

    lab-e-tahrir par ab tak hai shirin guftugu teri

    tere jazbaat mein ab tak sadaqat jagmagati hai

    teri guftar ki shoKHi dilon ko gudgudati hai

    niyaz-o-naz ki mahfil mein tera nam rahta hai

    tere maston ke aage ab bhi tera jam rahta hai

    teri ranginiyon mein sadgi ki shan hoti hai

    tere afkar ki duniya bhi sheristan hoti thi

    tere naghme sukun-parwar the arbab-e-mohabbat ke

    sada be-dagh dekha hai tere daman-e-fitrat

    chhalakti thin tere dil ki adaen bhi nigahon se

    bala ka dard hota tha teri KHamosh aahon mein

    tu banda tha mohabbat ka mohabbat thi tere dil mein

    samundar maujzan rahta tha is chhoTe se sahil mein

    tere lab par wahi aata tha jo har dil mein hota tha

    wo ban jata tha shair jo teri mahfil mein hota tha

    fasih-ul-mulk tha jaan-e-fasahat teri baaten thin

    qayamat jis pe dam de wo qayamat teri baaten thin

    teri guftar mein hum ne mazaq-e-zindagi dekha

    tere sazon mein dil ke soz ka mafhum tha goya

    teri hasti ko raaz-e-do-jahan malum tha goya

    farishton ka taqaddus tha tere husn-e-takallum mein

    tere aansu mein soz-e-dil tha ya shoala tha shabnam mein

    zaban ko hur-o-ghilman ne teri kausar se dhoya tha

    KHuda ne bahr-e-ulfat mein teri ulfat ko khoya tha

    anadil bhi baDhe teri taraf daman ko phailae

    mohabbat ki zaban se tu ne jis dam phul barsae

    faza ko kar diya rangin apni naghma-KHwani se

    gulon mein phunk di ruh-e-tabassum gul-fishani se

    tere naghme bahe jab nikhat-e-gul ke safine mein

    to lale ne biThaya la ke tujh ko apne sine mein

    har ek dard-ashna dil mein rakha tujh ko mohabbat ne

    biThaya chand ke mathe pe tujh ko dast-e-qudrat ne

    zamin-e-sher ne paya tha auj-e-asman tujh se

    zaban ka lutf tha ai bulbul-e-hindustan tujh se

    payambar tha suKHan ka to tere naghmon pe jumenge

    hum apne dida-e-dil se teri turbat ko chumenge

    rahenge hashr tak baqi tere naghme nahin fani

    baja hai tujh ko kahte hain jo hum tilmiz-e-rahmani

    tere jazbaat ke pur-kaif sailabon mein bahte hain

    haqiqat-ashna tujh ko jahan-ustad kahte hain

    jahan-e-arzu mein ab bhi haal-o-qal tera hai

    suKHan ki mumlikat mein aaj tak iqbaal tera hai

    suKHan-fahmon ke dil mein ab bhi teri yaad baqi hai

    ghazal ke mai-kada jab tak hai qaem tu hi saqi hai

    dakan mein zauq tha zauq-e-suKHan mahbub tha tujh ko

    hamein malum hai mulk-e-dakan mahbub tha tujh ko

    dakan ko aane wale bas gaya mulk-e-dakan mein tu

    ki bulbul tha banaya aashiyan apna chaman mein tu

    qayamat tak na bhulenge tujhe tere watan wale

    kahin bulbul ke naghme bhul jate hain chaman wale

    dil-e-betab ke barbat pe naghma dard ka gaya

    taghazzul se hamari mahfilon ko tu ne garmaya

    tere ehsan ke gun gaega josh-e-wafa-koshi

    dakan walon ki fitrat mein nahin ehsan-framoshi

    kaleja tham kar apna tere ashaar gaenge

    dakan ki wadiyon mein hum tere naghme basaenge

    aqidat-afrin gul teri turbat par chaDhaenge

    tere har sher ko hum apni aankhon se lagaenge

    Source:

    Maikhana (Pg. E-253 B-238)

    • Author: Maikash Akbarabadi
      • Edition: 1974
      • Publisher: Vila Academy, Hyderabad
      • Year of Publication: 1974
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now