Daka

kaale kaale Daaku

chhat par

dham dham karte

dauḌ rahe haiñ

kamroñ se sab box uThā kar

chhat par lā kar

be-rahmī se toḌ rahe haiñ

in baksoñ meñ

ek baḌā sā box hai merī maañ kā bhī

jis meñ merī

shīshe vaalī golī kī thailī rakkhī hai

is bakse ke TūTne par

maiñ ḳhush hotā huuñ

chhat par jā kar

bandūqoñ ke saa.e meñ

apnī sab golī chuntā huuñ

sub.h ko mere saare sāthī

merī rañg bharī golī ko

lalchā.ī nazroñ se takte rahte haiñ

barbādī kā mātam

mujh ko

golī ke rañgoñ se halkā lagtā hai

kale kale Daku

chhat par

dham dham karte

dauD rahe hain

kamron se sab box uTha kar

chhat par la kar

be-rahmi se toD rahe hain

in bakson mein

ek baDa sa box hai meri man ka bhi

jis mein meri

shishe wali goli ki thaili rakkhi hai

is bakse ke TuTne par

main KHush hota hun

chhat par ja kar

banduqon ke sae mein

apni sab goli chunta hun

subh ko mere sare sathi

meri rang bhari goli ko

lalchai nazron se takte rahte hain

barbaadi ka matam

mujh ko

goli ke rangon se halka lagta hai