aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Dasna station ka musafir

Akhtarul Iman

Dasna station ka musafir

Akhtarul Iman

MORE BYAkhtarul Iman

    kaun station hai?

    Dāsna hai sāhib-jī

    aap ko utarnā hai?

    ''jī nahīñ, nahīñ,'' lekin

    Dāsna to thā vo

    mere saath 'qīsar' thī

    ye baḌī baḌī āñkheñ

    ik talāsh meñ khoī

    raat bhar nahīñ soī

    jab maiñ us ko pahuñchāne

    is ujaaḌ bastī meñ

    saath le ke aayā thā

    maiñ ne un se phir pūchhā

    aap mustaqil shāyad

    Dāsna meñ rahte haiñ?

    ''jī yahāñ pe kuchh merī

    suut dukāneñ haiñ

    kuchh ta.ām-ḳhāne haiñ''

    maiñ sunā kiyā baiThā

    boltā rahā vo shaḳhs

    ''kuchh zamīn-dārī hai

    mere baap daadā ne

    kuchh makān chhoḌe the

    un ko bech kar maiñ ne

    kārobār kholā hai

    is haqīr bastī meñ

    kaun aa ke rahtā thā

    lekin ab yahī bastī

    bamba.ī hai dillī hai

    qīmateñ zamīnoñ

    itnī baḌh ga.iiñ sāhib

    ik zamīn kyā hai

    khāne piine chīzeñ

    aam jiine chīzeñ

    bhaao das-gune haiñ ab''

    boltā rahā vo shaḳhs

    ''is qadar girānī hai

    aag lag ga.ī jaise

    āsmān had hai bas''

    maiñ ne chauñk kar pūchhā

    āsmāñ mahl thā ik

    sayyadoñ bastī meñ

    āsmāñ nahīñ sāhib

    ab mahl kahāñ hogā?

    hañs paḌā ye kah kar vo

    mere zehn meñ us

    baat pai-ba-pai gūñjī

    ''ab mahl kahāñ hogā

    is dayār meñ shāyad

    'qaisar' ab nahīñ rahtī

    vo baḌī baḌī āñkheñ

    ab na dekh pā.ūñgā

    mulk ye baTvārā

    le gayā kahāñ us ko

    devḌhī sannāTā

    aur hamārī sargoshī

    ''mujh se kitne chhoTe ho''

    maiñ ne kuchh kahā thā phir

    us ne kuchh kahā thā phir

    hai raqam kahāñ vo sab

    dard girāñ-jānī

    merī shola-afshānī

    us jalva-sāmānī

    hai raqam kahāñ vo ab

    karb-e-zīst sab merā

    guftugū Dhab merā

    us haath hāthoñ meñ

    le ke jab maiñ kahtā thā

    ab chuḌāo to jānūñ

    rasm-e-bevafā.ī ko

    aaj mo'tabar mānūñ

    us ko le ke bāhoñ meñ

    jhuk ke us ke chehre par

    bheñch kar kahā thā ye

    bolo kaise niklogī

    merī dastaras se tum

    mere is qafas se tum

    bhūre bādaloñ dal

    duur uḌtā jaatā hai

    peḌ par kahīñ baiThā

    ik parind gaatā hai

    ''chil-chil'' ik gilahrī

    kaan meñ khaTaktī hai

    rail chalne lagtī hai

    raah ke daraḳhtoñ

    chhāñv Dhalne lagtī hai

    ''mujh se kitne chhoTe ho''

    aur mirī girāñ-goshī

    devḌhī sannāTā

    aur hamārī sargoshī

    hai raqam kahāñ vo sab?

    duur us parinde ne

    apnā giit dohrāyā

    ''aaj ham ne apnā dil

    ḳhuuñ kiyā huā dekhā

    gum kiyā huā pāyā''

    kaun sa station hai?

    Dasna hai sahib-ji

    aap ko utarna hai?

    ji nahin, nahin, lekin

    Dasna to tha hi wo

    mere sath 'qisar' thi

    ye baDi baDi aankhen

    ek talash mein khoi

    raat bhar nahin soi

    jab main us ko pahunchane

    is ujaD basti mein

    sath le ke aaya tha

    main ne un se phir puchha

    aap mustaqil shayad

    Dasna mein rahte hain?

    ji yahan pe kuchh meri

    sut ki dukanen hain

    kuchh taam-KHane hain

    main suna kiya baiTha

    bolta raha wo shaKHs

    kuchh zamin-dari hai

    mere bap dada ne

    kuchh makan chhoDe the

    un ko bech kar main ne

    karobar khola hai

    is haqir basti mein

    kaun aa ke rahta tha

    lekin ab yahi basti

    bambai hai dilli hai

    qimaten zaminon ki

    itni baDh gain sahib

    ek zamin hi kya hai

    khane pine ki chizen

    aam jine ki chizen

    bhao das-gune hain ab

    bolta raha wo shaKHs

    is qadar girani hai

    aag lag gai jaise

    aasman had hai bas

    main ne chaunk kar puchha

    aasman mahl tha ek

    sayyadon ki basti mein

    aasman nahin sahib

    ab mahl kahan hoga?

    hans paDa ye kah kar wo

    mere zehn mein us ki

    baat pai-ba-pai gunji

    ab mahl kahan hoga

    is dayar mein shayad

    'qaisar' ab nahin rahti

    wo baDi baDi aankhen

    ab na dekh paunga

    mulk ka ye baTwara

    le gaya kahan us ko

    dewDhi ka sannaTa

    aur hamari sargoshi

    mujh se kitne chhoTe ho

    main ne kuchh kaha tha phir

    us ne kuchh kaha tha phir

    hai raqam kahan wo sab

    dard ki giran-jaani

    meri shola-afshani

    us ki jalwa-samani

    hai raqam kahan wo ab

    karb-e-zist sab mera

    guftugu ka Dhab mera

    us ka hath hathon mein

    le ke jab main kahta tha

    ab chuDao to jaanun

    rasm-e-bewafai ko

    aaj mo'tabar manun

    us ko le ke bahon mein

    jhuk ke us ke chehre par

    bhench kar kaha tha ye

    bolo kaise niklogi

    meri dastaras se tum

    mere is qafas se tum

    bhure baadalon ka dal

    dur uDta jata hai

    peD par kahin baiTha

    ek parind gata hai

    chil-chil ek gilahri ki

    kan mein khaTakti hai

    rail chalne lagti hai

    rah ke daraKHton ki

    chhanw Dhalne lagti hai

    mujh se kitne chhoTe ho

    aur meri giran-goshi

    dewDhi ka sannaTa

    aur hamari sargoshi

    hai raqam kahan wo sab?

    dur us parinde ne

    apna git dohraya

    aaj hum ne apna dil

    KHun kiya hua dekha

    gum kiya hua paya

    Videos
    This video is playing from YouTube

    Videos
    This video is playing from YouTube

    Akhtarul Iman

    Akhtarul Iman

    Khalilur Rahman

    Khalilur Rahman

    Akhtarul Iman

    Akhtarul Iman

    RECITATIONS

    Akhtarul Iman

    Akhtarul Iman,

    Akhtarul Iman

    Dasna station ka musafir Akhtarul Iman

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now