ہم بھارت کے رکھوالے ہیں
ہم بھارت کے رکھوالے ہیں
سب اس کے بچے بالے ہیں
کیسے یہ بہاری کشمیری
اور کیا ہیں یہ اترپردیشی
کیسے پنجابی آسامی
کیسے مدراسی بنگالی
سب کے سب بھارت والے ہیں
سب اس کے بچے بالے ہیں
سب بھارت کے رکھوالے ہیں
ہو نردھن یا دھنوان کوئی
ہو دھرم کوئی ایمان کوئی
یا بتلائے رحمان کوئی
یا کہتا ہو بھگوان کوئی
سب اس مٹی کے پالے ہیں
سب کے سب بھارت والے ہیں
سب بھارت کے رکھوالے ہیں
شیدا مسجد کے منظر کا
یا ہو وہ پجاری مندر کا
ہر رہنے والا اس گھر کا
سینک ہے ایک ہی لشکر کا
سب کے سب اس کے حوالے ہیں
سب کے سب بھارت والے ہیں
سب بھارت کے رکھوالے ہیں
کیا شیخ مغل سید کا چلن
کیسے ٹھاکر پنڈت ہریجن
کیا چھوت اچھوت کا پاگل پن
سب ایک ہیں سب کا ایک وطن
جو گورے ہیں یا کالے ہیں
سب کے سب بھارت والے ہیں
سب بھارت کے رکھوالے ہیں
کیسا ہلکا کیسا بوجھل
کویتا ہو کوئی یا ہو غزل
کیا بل والا اور کیا نربل
بھارت ماں کا سب پر آنچل
سب اس میں پلنے والے ہیں
سب کے سب بھارت والے ہیں
سب بھارت کے رکھوالے ہیں
مأخذ:
اپنی دھرتی اپنی بات (Pg. 60)
- مصنف: نازش پرتاپ گڑھی
-
- ناشر: اترپردیش اردو اکیڈمی، لکھنؤ
- سن اشاعت: 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
